उत्कृष्ट ‘कन्टेन्ट क्रेयटर’लाई अपट्रेन्डलीको सम्मान

कान्तिपुर पब्लिकेसन्ससँगको सहकार्यमा अपट्रेन्डलीले आयोजना गरेको समारोहमा राइजिङ स्टारको उपाधि स्न्याक्स असले प्राप्त गरेको छ ।

त्यस्तै ब्रेक थ्रो फुड कन्टेन्टको उपाधि मिस्टर फुडीले प्राप्त गरेको छ । शोकेस अफ लोकल कुजिनको उपाधि कान्छी किचनले प्राप्त गरेको छ ।

बेस्ट ब्रान्ड कोलाब्रेसनको उपाधि नेपाली काभ्रिङ्गस, बेस्ट ट्रेन्ड लभ इट रिपिट, बेस्ट अडियो भिज्वल माइ डार्लिङ फुड र फ्लोर लभको उपाधि नेपाली फुड ट्राभलरले हात पारेका थिए ।

अपट्रेन्डलीका सीइओ मनायक कार्कीले खापान संस्कृतिका कथालाई प्रचारप्रसार गर्न देशभर छरिएका फुड ब्लगर, कन्टेन्ट क्रियटर लगायतका सृजनाकर्ताहरुलाई पहिलोपटक सम्मान गरिएको बताए ।

उनका अनुसार, यो समारोहमा देशभर छरिएका झन्डै २ सय जना प्रभावशाली सृजनाकर्ताबाट छनौट गरिएको हो ।

‘होटल पर्यटन विधा अन्तर्गत खानपान शैलीलाई बिस्तार गर्न हामीले गर्न लागेको यो पहिलो पहलकदमी हो,’ उनले भने ।