१५.१२°C काठमाडौं
काठमाडौंमा वायुको गुणस्तर: ४२०

सम्पादकीय

कान्तिपुर दैनिकमा प्रकाशित सम्पादकीय

सम्पादकीयका लेखहरु :

पारालम्पिक्समा पलेशा 

तेक्वान्दोकी पलेशा गोवर्धनले यसै वर्ष पेरिसमा हुने पारालम्पिक्समा छनोट भएर नेपाली खेलकुदका लागि नयाँ उत्साह सञ्चार गरेकी छन् । नेपाली खेलाडी प्रायः ‘वाइल्ड कार्ड’ मार्फत ओलम्पिक्समा सहभागिता हुँदै आएकामा पलेशाले एसियाली पारालम्पिक्स छनोट प्रतियोगितामा स्वर्ण पदक जित्दै पेरिस यात्रा सुनिश्चित गरेकी हुन् ।

वित्तीय अराजकता फैलन नदेऊ

केही समययता बैंक तथा वित्तीय संस्थाविरुद्ध अराजक गतिविधि बढ्दो छ । विभिन्न समूहले बैंक तथा वित्तीय संस्थाबाट लिएको ऋण मिनाहासम्मको माग राख्दै आएका छन् । त्यस्तो समूहमा वाणिज्य बैंकदेखि, लघुवित्त र सहकारी संस्थासम्मका ऋणी छन् । बैंकबाट अर्बौं ऋण लिएर व्यवसाय गर्ने अनि ऋण तिर्न अप्ठेरो हुन थालेपछि आन्दोलनको नेतृत्व गर्नेहरू पनि देखिएका छन् । मेडिकल व्यवसायी दुर्गा प्रसाईंले २० लाख रुपैयाँसम्म ऋण मिनाहाको मागसहित ऋणीहरू भेला गरेर ठाउँ–ठाउँमा प्रदर्शन गरे ।

सुन तस्करी सञ्जालको जन्जाल

अनुसन्धानमा संलग्न प्रहरी अधिकारीमाथि नै प्रश्न उठाउँदै जाँचबुझ आयोगले कारबाही सिफारिस गरेपछि सुन तस्करी प्रकरण थप पेचिलो बनेको छ । स्कुटरको ‘ब्रेक सु’ मा लुकाएर ल्याइएको ६१ किलो र विद्युतीय चुरोट (भेप) मा ल्याइएको नौ किलो सुन अनुसन्धानका क्रममा प्रहरीले केही व्यक्तिलाई उन्मुक्ति दिएको आयोगको निष्कर्ष छ ।

नागढुंगा सुरुङमार्गमा उल्झनको जिम्मेवार को ?

नागढुंगा हुँदै काठमाडौं उपत्यका भित्रिने र बाहिरिने सवारीसाधनको आवागमन सहज बनाउन वैकल्पिक मार्ग निर्माण सुरु भएको ५१ महिना बितेको छ । सुरुवाती सम्झौताअनुसार यो नागढुंगा–सिस्नेखोला सुरुङमार्ग ४२ महिनामा अर्थात् गएको वैशाखमै सकिनुपर्थ्यो । लक्ष्यअनुसार काम नभएपछि थपिएको एक वर्षको म्याद पनि घर्किन लागेको छ ।

सुनले पूर्वउपराष्ट्रपतितर्फ सोझिएको प्रश्न

सरकारले निर्धारण गरेको मर्यादाक्रममा राष्ट्रपतिपछि दोस्रो स्थानमा छ उपराष्ट्रपति पद । उपराष्ट्रपति भनेको राष्ट्रपतिको अनुपस्थितिमा सिंगो मुलुकलाई नेतृत्व गर्ने अभिभावक हो । सात वर्षसम्म त्यही अभिभावकीय भूमिकामा रहेका नन्दबहादुर पुनका दुई छोरा र निकटस्थ व्यक्ति सुन तस्करीजस्तो जघन्य अपराधमा मुछिएका छन् । अवैध कारोबारमा पुनको पदीय हैसियतसमेत दुरुपयोग भएको पाइएको छ ।

युद्धमैदानबाट नेपालीको गुहार

अहिले एउटा भिडियो छ्यापछ्याप्ती छ, जहाँ सैनिक पोसाकमा चार नेपाली युवा देखिन्छन् । उनीहरू आफ्नो उद्धारका लागि अनुनय विनय गरिरहेका छन् । रुसी सेनाको सहयोगीका रूपमा मात्र काम गर्ने भनेर लगेकामा फौजीका रूपमा युक्रेनविरुद्ध युद्धमा खटाइएको उनीहरूको गुनासो छ ।

हरेक दिन क्यालेन्डर हेरेर अर्थतन्त्र सुधार

वर्षको बजेट कार्यान्वयनमा आएको आठ महिना सकिनै लाग्दा राजस्व संकलन, पुँजीगत खर्च, वैदेशिक सहायता तथा अनुदानको अवस्था दयनीय छ । आइतबारसम्म सरकारी वित्त १ खर्ब २१ अर्ब रुपैयाँले घाटामा छ । पुँजीगत खर्च एक चौथाइको हाराहारी छ ।

मलेसियाको निर्णयले जनाएको घण्टी

नेपाली श्रमिकको प्रमुख गन्तव्य मलेसियाले आगामी जेठ १८ देखि आप्रवासी श्रमिक नलिने भएको छ । मागभन्दा आपूर्ति बढी भएको र त्यसले आन्तरिक सुरक्षामा समेत समस्या निम्त्याएको भन्दै मलेसियाले अर्को आदेश नहुँदासम्म औपचारिक क्षेत्रमा आप्रवासी श्रमिकको प्रवेश रोक्ने निर्णय गरेको हो ।

मिटरब्याजपीडितलाई उपेक्षा कहिलेसम्म ?

मिटरब्याजपीडितले २३ दिनसम्मको कष्टप्रद पैदलयात्रा पार गर्दै काठमाडौं आइपुगेर दिनहुँ प्रदर्शन गरेको दुई साता नाघिसकेको छ । यसबीचमा आफ्ना माग सुनाउन भन्दै उनीहरू संसद् भवन र प्रधानमन्त्री निवास (बालुवाटार) सम्म पुगे । जतिसक्दो छिटो माग सम्बोधन गरेर उनीहरूलाई फर्काउनुपर्ने आवाज संसद्मा पनि चर्कैसँग उठिरहेको छ । तर यसमा सरकारले गम्भीरतापूर्वक चासो दिएको पाइँदैन । सरकारी प्रतिनिधिमण्डलले केही चरणमा वार्ता त गरेको छ तर त्यो निष्कर्षमा पुग्ने उद्देश्यका साथ नभएर अलमल्याउने खालको मात्र देखिन्छ । 

मुख्यसचिवको दर्पणमा सुशासनको परीक्षण

सत्ता समीकरण बदलेर मन्त्रिपरिषद् पुनर्गठन गरेपछि प्रतिनिधिसभा बैठकमा बिहीबार पहिलो सम्बोधन गर्दै प्रधानमन्त्री पुष्पकमल दाहालले परिवर्तन, सुशासन र समृद्धिप्रति प्रतिबद्धता दोहोर्‍याएका छन् ।