तस्बिर : इलिट जोशी

हिलोमाथिको 'रेड कार्पेट' मा प्रधानमन्त्री

बुधबार त्रिभुवन विश्वविद्यालयले आफ्नो ६० औं वार्षिक उत्सव मनाएको छ । विश्वविद्यालयका कुलपति एवं प्रधानमन्त्री केपी शर्मा ओली, सह-कुलपति तथा शिक्षामन्त्री गिरिराजमणि पोखरेल लगायतको उपस्थितिमा कार्यक्रम सम्पन्न भएको छ । प्रधानमन्त्रीले नवनिर्मित उपकुलपति कार्यालयको भवन र मन्दिरको उद्घाटन गरे । हिजोदेखि परेको पानीले उद्घाटन गर्न जाने ठाउँसम्म हिलाम्य थियो । त्यही हिलो माथि रातो कार्पेट ओच्छ्याइएको थियो । प्रधानमन्त्री ओली त्यही कार्पेट हुँदै उद्घाटनस्थल पुगे ।

प्रधानमन्त्रीले लिए राष्ट्रिय परिचयपत्र

प्रधानमन्त्री केपी ओलीले राष्ट्रिय परिचयपत्र लिएका छन् । प्रधानमन्त्री ओलीलाई परिचयपत्र तथा पञ्जीकरण विभागका महानिर्देशक दीपक काफ्लेले मंगलबार प्रधानमन्त्री निवास बालुवाटारमा एक कार्यक्रमबीच राष्ट्रिय परिचयपत्र प्रदान गरेका हुन्। प्रधानमन्त्रीसँगै पत्नी राधिका शाक्यले पनि परिचयपत्र लिएकी थिइन् ।

गुठी विधेयकविरुद्ध ललितपुरमा प्रदर्शन

गुठी सम्बन्धी कानुन संशोधन गर्न संसदमा दर्ता भएको विधेयक विरुद्ध उपत्यकाका गुठीयार तथा स्थानीयले प्रदर्शन गरेका छन् । बिहीबार अपरान्ह ५ बजे ललितपुरको मंगलबजारमा सरकारविरुद्ध नाराजुलुस गरेका थिए । प्रदर्शनमा सहभागीले सरकारलाई संशोधन विधेयक फिर्ता गर्न माग गरेका थिए । सरकारले गुठी मासेर मौलिक रितिरिवाज, चालचलन, संस्कृति मास्न लागेको आरोप लगाए । तस्बिरमा हेरौं ललितपुरको प्रदर्शन ।

रातो मत्स्येन्द्रनाथ रथ जावलाखेलमा [तस्बिरहरु]

अन्न र सहकालका देवता मानिने रातो मत्स्येन्द्रनाथ रथ बिहीबार जावलाखेल पुर्‍याइएको छ । अब दायाँहातमा वरदमुद्रा र बायाँमा कमलको फूल लिएका रातो वर्ण, शिरमा बहुमूल्य हिरामोती जडित मुकुट, निधारमा टिका, कानमा रत्नजडित गहना, घाँटीमा सत्यनागको माला, हातमा चुरा र खुट्टामा कल्लीले सुसज्जित मस्त्येन्द्रनाथको भोटो जात्रा २६ गते हुनेछ ।

बजेट बोकेर सिहंदरबारदेखि संसद भवनसम्म अर्थमन्त्री [फोटोफिचर]

अर्थमन्त्री युवराज खतिवडाले अहिले संघीय संसदमा आगामी आर्थिक वर्ष २०७६/०७७ को बजेट प्रस्तुत गरिरहेका छन् । कान्तिपुरका फोटोपत्रकारद्वय अंगद ढकाल र इलिट जोशीले सिंहदरबारदेखि संसद भवनसम्म अर्थमन्त्री जाँदा लिएका केही तस्बिरहरु

तस्बिर : इलिट जोशीका लेखहरु :

बम डिस्पोजलपछिको हाँसो... [फोटोफिचर]

आइतबार बेलुका काठमाडौंको दुई स्थानमा बम बिस्फोट हुँदा ४ जनाको ज्यान गयो । त्यसैका कारण पनि सोमबार नेत्रविक्रम चन्द नेतृत्वले आव्हान गरेको नेपाल बन्दका दिन जनमानसमा केही त्रास थियो । त्यसमा पनि राजधानीका केही स्थान लगायत देश भर नै विभिन्न प्रकारका बमहरु राखिए । ती मध्ये धेरैलाई नेपाली सेनाको बम डिस्पोजल युनिटले निष्क्रिय पार्‍‍यो । ललितपुरको सातदोबाटोस्थित टुटेपानी भन्ने स्थानमा राखिएको प्रेसर कुकर बम पनि सेनाले डिस्पोज गरेको थियो । त्यहाँ बम डिस्पोजल गर्दा देखिएका केही रोचक तस्बिर यहाँ समेटिएको छ :

ललितपुरकाे टुटेपानीमा शंकास्पद वस्तु, यसरी पारियाे निष्क्रिय

ललितपुरकाे टुटेपानीकाे फेला परेकाे शंकास्पद वस्तु सेनाले निष्क्रय पारेकाे छ । साेमबार बिहान भेटिएकाे उक्त वस्तु ९:५२ मा निष्क्रय पारेकाे हाे । शंकास्पद वस्तु भेटिए पछि उक्त क्षेत्रमा आवागमन राेकिएकाे थियाे ।

तस्बिरमा कान्तिपुर हाफ म्याराथन

कान्तिपुर हाफ म्याराथनको नवौं संस्करण शनिबार सम्पन्न भएको छ। 'एन्टी पोलुसन रन' को नारा दिइएको यस संस्करणमा करिब ३ हजार ५ सयले सहभागिता जनाएका छन् । यो अहिलेसम्मकै सर्वाधिक सहभागिता हो । कान्तिपुर पब्लिकेसन्सको केन्द्रीय कार्यालय थापाथलीबाट आज बिहान ७ सुरु भएको थियाे। हाफ म्याराथन महिला र पुरुष, ५ किलोमिटर कर्पोरेट दौड र हि्वलचियर दौड गरी ३ विधामा ३ हजार ४ सय ७५ जनाले फाराम भरेका थिए ।

महिलाले ताने रातो मच्छिन्द्रनाथको रथ

अन्न र सहकालका देवता भनिने रातो मस्त्येन्द्रनाथको रथयात्रा गर्ने क्रममा शुक्रबार महिलाले रथ तानेका छन् । रथ तान्ने काममा पुरुष मात्रै संलग्न हुँदै आएपनि परम्परा जोगाउँदै महिलाले रथ तानेका हुन् । महिलाहरुले शुक्रबार बिहान ६ बजे लगनखेलमा रथ तानेका हुन् ।

मिस नेपाल बनिन् अनुष्का

मिस नेपाल वर्ल्ड २०१९ काे उपाधि अनुष्का श्रेष्ठले जितेकी छिन् । अन्तिम प्रतिस्पर्धामा २४ सहभागीलाई उछिन्दै अनुष्काले मिस नेपाल वर्ल्डकाे उपाधि जितेकी हुन् । यस्तै मिस नेपाल युनिभर्स प्रदिप्ता अधिकारी, मिस नेपाल अर्थ रिया बस्नेत, मिस नेपाल इन्टरनेसनल मीरा कक्षपति र मिस नेपाल सुप्रनेसनल राेज लामा भएका छन् ।