तस्बिर : इलिट जोशी

पशुपतिमा महाशिवरात्रि (तस्बिरहरु)

महाशिवरात्रिका अवसरमा बिहानैदेखि पशुपतिनाथ मन्दिरमा भक्तजनको भीड लागेको छ । दर्शनका लागि बिहान ३ बजेबाट मन्दिरका चारवटै ढोका खुला गरिएकाे थियाे । पशुपति क्षेत्र विकास कोषले विभिन्न ३ स्थानबाट पशुपति दर्शन गर्न मिल्ने गरी लाइन व्यवस्थापन गरेको छ । यस पटक चार हजारभन्दा बढी साधुसन्त पशुपतिनाथ दर्शनका लागि आएको कोषका कार्यकारी निर्देशक रमेश उप्रेतीले जानकारी दिए । विगत वर्षभन्दा यस वर्ष भक्तजनको उल्लेख्य उपस्थिति रहने उनले बताए ।

तस्बिरमा हेरौं, पशुपतिमा आएका साधुसन्त

महाशिवरात्रि पर्व आराध्यदेव शिवको पूजाआराधना गरी सोमबार मुलुकभर मनाइँदैछ । यस दिन वैदिक सनातन हिन्दू धर्मावलम्बी शुद्ध भई व्रत बस्ने र बिहानैदेखि नदी, कुण्ड र तलाउमा स्नान गरी शिवालयमा गएर श्रद्धाभक्तिपूर्वक पूजाराधना गर्छन् । पशुपतिमा शिवरात्रि महापर्व धुमधामसँग मनाउने गरिन्छ । यसका लागि सम्पूर्ण तयारी पूरा भएको पशुपति विकास कोषले जनाएको छ ।

राजकीय सम्मानका साथ पूर्वमन्त्री अधिकारीको अन्त्येष्टि

उपचारका क्रममा शनिबार राति निधन भएका नेकपाका नेता एवं पूर्व अर्थमन्त्री भरतमोहन अधिकारीको पशुपति आर्यघाटमा आइतबार राजकीय सम्मानका साथ अन्त्येष्टि गरिएको छ । नेता अधिकारीको पार्थिव शरीरमा उनका तीन छोरीहरु लुना, लिमा र लिजाले संयुक्तरूपमा दागबत्ती दिए ।

हेलिकप्टर दुर्घटनाका मृतकलाई श्रद्धाञ्जली (तस्बिरहरु)

ताप्लेजु‌ङमा बुधबार भएकाे हेलिकप्टर दुर्घटनामा निधन भएका सबैजनाको शव श्रद्धाञ्जलीका लागि टुँडिखेलमा राखिएकाे छ । दुर्घटनामा निधन भएका पर्यटन तथा नागरिक उड्डयनमन्त्री रवीन्द्र अधिकारीसहितका मृतकलाई राष्ट्रपति विद्यादेवि भण्डारी, उपराष्ट्रपति नन्दबहादुर पुन, प्रधानमन्त्री केपी ओली, सभामुख कृष्णबहादुर महरा, मन्त्रीहरु लगायतले टुँडिखेल पुगेर श्रद्धाञ्जली दिएका छन् । ‍

हिउँले सेताम्मे बने उपत्यकाका डाँडा

काठमाडौं उपत्यका वरपरका डाँडा बिहीबार बिहान हिउँले सेताम्मे बनेका छन् । बुधबार बिहानै देखिकाे वर्षाका कारण राति हिमपात भएकाे हाे । हिमपात पछि उपत्यकाकाे माैसम खुलेकाे छ ।

तस्बिर : इलिट जोशीका लेखहरु :

तस्बिरमा कान्तिपुर आइकन

कान्तिपुर मिडिया ग्रुपको गैरनाफामूलक कल्याणकारी संस्था कान्तिपुर फाउन्डेसनले चार विधामा घोषणा गरेको कान्तिपुर आइकन राष्ट्रपति विद्यादेवी भण्डारीले प्रदान गरेकी छन् । मुलुकको समाज–राजनीति, सिर्जना–कला, अर्थ–उद्यम र विज्ञान–अन्वेषण क्षेत्रमा योगदान पुर्‍याएका चारजना अगुवा तथा प्रेरणादायी व्यक्तित्वलाई कान्तिपुरको २६ औँ वार्षिकोत्सवका अवसरमा सम्मानित गरिएको हो।

ठडियो य, र, ल, व

बज्रायानी दर्शनमा य र ल व को अर्थ छ । यही दर्शनको आधारमा काष्ठमण्डका चार थाम राखिएका छन् । यी चार थाम आइतवार ठड्याइएको छ । वैदिक र तान्त्रिक पुजा गरेर यसलाई ठड्याइएको हो । काष्ठमण्डपको थाम र गजुरलाई विशेष रुपमा लिइन्छ । वैदिक विधि अनुसार बज्रयानी सम्प्रदायका बज्रचार्य र तान्त्रिक पुजा राजोपाध्यायले गरेका थिए । संस्कृतिविद् यज्ञमान पति बज्राचार्यका अनुसार य, र, ल, व को प्रयोग भएको थियो काष्ठ मण्डपमा । य को अर्थ हावा हो । र अर्थ आगो, ल को अर्थ माटो (पृथ्वी) र व अर्थ पानी वा तरलता हो । हावा नचली आगो बल्दैन । आगो नबली भाँडा तात्दैन । भाँडो नतानी पानी उम्लिदैन । ‘हावामाथि आगो, आगोमाथि भाँडो, भाडोमाथि पानी, पानीमाथि हावा,’ बज्राचार्य भन्छन्, ‘हावाबाट हावै बन्यो । हाम्रो चुल्होको सिद्धान्त पनि यही । बज्रायानी सिद्धान्त पनि यही हो ।’

राष्ट्रपतिबाट वसन्त श्रवण

राष्ट्रपति विद्यादेवी भण्डारीले वसन्त पञ्चमीका अवसरमा हनुमानढोका दरबार परिसरमा आज बिहान वसन्त श्रवण गरी टीका प्रसाद ग्रहण गरेकी छिन् । उक्त अवसरमा उपराष्ट्रपति नन्दबहादुर पुन र प्रधानमन्त्री प्रधानमन्त्री केपी ओली लगायतले पनि वसन्त श्रवण गरी टीका, माला र प्रसाद ग्रहण गरेका छन् । परापूर्वकालदेखि वसन्त पञ्चमीका दिन राष्ट्राध्यक्ष एवम् सरकार प्रमुखलगायत नेपाल सरकारका विशिष्ठ व्यक्ति त्यहाँ पुगी वसन्त श्रवण गर्ने परम्परा रहिआएको छ ।

सरकार विरुद्ध विवेकशील र नेविसंघको प्रदर्शन [फोटोफिचर]

जबरजस्ती चिकित्सा शिक्षा विधेयक पारित गरेको विरोधमा आइतबार विवकेशील साझा पार्टी, नेपाल विद्यार्थी संघले सरकार विरुद्ध प्रदर्शन गरेका छन् ।

नेविसंघद्वारा प्रधानमन्त्रीको पुत्ला दहन [फोटोफिचर]

नेपाल विद्यार्थी (नेवि) संघले प्रधानमन्त्री केपी शर्मा ओलीको पुत्ला दहन गरेको छ । नेविसंघका नेता/कार्यकर्ताहरुले आइतबार बिहान पशुपति बहुमुखी क्याम्पस अगाडि प्रधानमन्त्री ओली विरुद्ध नाराबाजी गर्दै पुत्ला दहन गरेका हुन् । चिकित्सा शिक्षा विधेयक संसदबाट जबरजस्ती पास गरेको विरोधमा ,बलात्कारपछि हत्या गरिएको कन्चनपुरकी निर्मला पन्तको हत्यारा पत्ता लगाउनुपर्ने,अनशनरत डाक्टर गोविन्द केसीको माग पुरा गर्नुपर्ने माग राख्दै नेविस‌ंघले सरकार विरुद्ध प्रदर्शन गर्दै आएको छ ।