अब्दुल्लाह मियाँ

४ वर्षमा ४५ हजार परकम्प

२०७२ सालको गोरखा भूकम्पपछिका चार वर्षमा ४५ हजारवटा परकम्प आएका छन् । भूकम्पविद्हरूका अनुसार अहिले आइरहेका कम्पनहरू भूकम्प नभएर ‘आफ्टरशक’ अर्थात् परकम्पन हुन् ।

चिसो खोज्दै भमरा

पहिले जहाँ भमरा पाइन्थे, अहिले त्यहाँ नामोनिशान छैन । पहिले जहाँ भमरा हुँदैनथे, अहिले त्यहाँ भमरा भेटिन थालेका छन् । अनुसन्धान गर्नेहरू भन्छन्, ‘यो जलवायु परिवर्तनको असर हो ।’

पहुँचवालाका आफन्त नियमविपरीत सरुवा

नेपाल सरकारका सचिव, सहसचिवलगायत उपल्लो तहका कर्मचारीले पदीय हैसियत दुरुपयोग गर्दै समायोजन भएर गएका आफन्तलाई संघीय राजधानी र अनुकूलका कार्यालयमा काज सरुवा गराएका छन् । 

कर्मचारी समायोजन : कर्णाली जान मानेनन् कर्मचारी

सामान्य प्रशासन सेवाका २३ उपसचिवको दरबन्दी रहेको कर्णाली प्रदेशमा समायोजनपछि एक जना मात्र पदस्थापन भएका छन् । समायोजन फाराम भर्ने क्रममा कर्णाली प्रदेश प्रशासन सेवाका उपसचिवको रोजाइमा नपरेपछि मुख्यमन्त्री कार्यालय तथा अधिकांश मन्त्रालयका महाशाखा प्रमुख पद रिक्त छन् ।

अन्नपूर्णमा भेटियो 'कश्मिर कस्तुरी मृग'

नेपालमा ‘कश्मीर कस्तूरी मृग’ फेला परेको छ । अन्नपूर्ण संरक्षण क्षेत्र आयोजना (एक्याप) को मुस्ताङ क्षेत्रमा अनुसन्धानकर्ता पारसविक्रम सिंह र चिनियाँ प्राध्यापकलगायतले पहिलोपटक कश्मीर कस्तूरी मृग पत्ता लगाएका हुन् । प्रकृति संरक्षणका लागि अन्तर्राष्ट्रिय संघ (आईयूसीएन) को सन् २०१५ को रेड लिस्टमा यो कस्तूरी संकटापन्न सूचीमा छ ।

अब्दुल्लाह मियाँका लेखहरु :

कर्मचारी समायोजनमा समस्यै समस्या 

समायोजनपछि कर्मचारी कार्यस्थलमा नखटिँदै समस्या निम्तिएको छ । संघीय मामिला तथा सामान्य प्रशासन मन्त्रालयले पछिल्लोपटक करिब ६ सयभन्दा बढी चिकित्सकलाई संघ तथा १४ सय चिकित्सकलाई प्रदेश र स्थानीय तहमा समायोजन गरेको थियो । तर चिकित्सकले सबैलाई  संघअन्तर्गत राखेर समायोजन नगरेसम्म काममा नफर्कने चेतावनी दिँदै आकस्मिकबाहेक सेवा ठप्प पारिरहेका छन् ।

कर्मचारी समायोजन कहाँ कति ?

संघीय मामिला तथा सामान्य प्रशासनमन्त्री लालबाबु पण्डितले चैत १५ मा 'दुनियाँलाई चकित' पार्ने गरी कर्मचारी समायोजन सकिएको दाबी गरे । त्यस दिन उनले अब कर्मचारी प्रशासनभित्र कुनै समस्या नरहेको समेत भन्न भ्याए ।

मौसम पूर्वानुमान प्रणाली भारतमा प्रभावकारी, नेपालमा उपकरण नै भएन

बारा र पर्सामा गत आइतबार साँझ अचानक आएको हावाहुरीले २९ जनाको ज्यान लियो । सात सयभन्दा बढी घाइते भए । दुई हजार भन्दा बढी घरमा क्षति भयो । उक्त प्राकृतिक विपत् लगत्तै हावाहुरीको भविष्यवाणी किन हुन सकेन भन्ने विषयमा बहस सुरु भएको छ । मौसममा हुने परिवर्तन र त्यसबाट हुन सक्ने प्राकृतिक विपत् अनुमान गर्ने जिम्मेवार निकाय जल तथा मौसम पूर्वानुमान महाशाखाले आइतबारको विपत्‌बारे जानकारी दिएको थिएन ।

वनका उपसचिवले पाए समायोजन पत्र

संघीय मामिला तथा सामान्य प्रशासन मन्त्रालयले समायोजन गरेको करिब एक महिनापछि वन तथा वातावरण मन्त्रालयले उपसचिवहरूलाई आइतबारदेखि पत्र दिन थालेको छ । वनअन्तर्गतका १ सय ४२ उपसचिवलाई प्रदेश सरकारअन्तर्गत समायोजन गरिएको पत्र सामान्यले फागुन २६ मै वनलाई पठाएको थियो । 

गैंडा गणना टुंगो लागेन

राष्ट्रिय निकुञ्ज तथा वन्यजन्तु संरक्षण विभागको नेतृत्वले अग्रसरता नलिँदा एकसिँगे गैंडा गणना अन्योलमा परेको छ । हरेक चार/पाँच वर्षबीचमा गैंडा गणना हुँदै आए पनि विभागले बजेट नभएको भन्दै टार्दै आएको छ । यसअघि २०७१ (सन् २०१५) सालमा गैंडा गणना गरिएको थियो ।