नेपाली भाषा र संस्कृतिको संवर्द्धन गर्ने उद्देश्यले विश्वका विभिन्न देशमा बसोबास गरिरहेका नेपाली मूलका नेपालीभाषीहरुले एसोसिएसन अफ नेपाली ओरिजिन (एएनओ) गठन गरेका छन् ।थाइल्याण्डको राजधानी बैंककमा सोमबार भएको नेपालीभाषीहरुको सम्मेलनले एएनओ गठन गरेको हो ।
राजनीति र कुटनीतिमा नेपाली महिलाको सहभागिताका विषयमा स्पेनमा चर्चा भएको छ । यूरोपको भ्रमणमा रहेकी भरतपुर महानगरपालिकाकी मेयर रेणु दाहाल र स्पेनका लागि नेपाली राजदूत शर्मिला पराजुलीले संयुक्त रुपमा त्यहाँका विभिन्न विश्वविद्यालयका विद्यार्थीहरु तथा कुटनीतिक काममा संलग्न व्यक्तिहरुसँग 'राजनीति र कुटनीतिमा नेपाली महिला' विषयक कार्यक्रम राखेर चर्चा गरेका हुन् ।
बेलायती सेनाका एक उच्च अधिकृतले नेपाली सेनालाई बेलायतले निरन्तर सहयोग गर्ने प्रतिबद्धता व्यक्त गरेका छन् । बेलायती सेनाका लेफ्टीनेन्ट जनरल रिचार्ड वार्डलले सोमबार सांझ लन्डनस्थित नेपाली दूतावासमा आयोजित २६१ औं नेपाली सेना दिवसका अवसरमा नेपाली सेनाको प्रशंसा गर्दै उक्त प्रतिबद्धता व्यक्त गरेका हुन् ।
स्पेनमा डिजिटाइजेसनमा महिलाको भूमिका विषयमा शुक्रबार छलफल भएको छ । अन्तर्राष्ट्रिय नारी दिवसको उपलक्ष्यमा आयोजना गरिएको कार्यक्रम परराष्ट्र मन्त्रालय, युरोपेली संघ र स्पेनको सहयोगद्वारा सहआयोजना गरिएको थियो ।
बेलायतमा क्रियाशील नेपाली विशेषज्ञ तथा पेशाकर्मीहरूसँग रहेको सीप, ज्ञान र श्रोत नेपालको विकासमा उपयोग गर्न सघाउने उद्धेश्यले बेलायतस्थित नेपाली दूतावासले दुई दिने अन्तरक्रिया गरेको छ।
भारतमा नेपाली नागरिकले मोबाइल सिम कार्ड पाउने भएका छन् । केही वर्षयता नेपाली पासपोर्ट वा नागरिकतामा सिम कार्डको वितरण रोकिएको थियो । सिम कार्ड नपाउँदा भारत आउने नेपाली नागरिकले सञ्चार सम्पर्कबाटै टाडा रहनुपर्ने स्थिति थियो ।