काठमाडौं अन्तर्राष्ट्रिय पर्वतीय चलचित्र महोत्सव (किम्फ) सँधै पुसको जाडो(डिसेम्बर ११)मा आयोजना हुने गर्थ्यो । २१ औं संस्करणदेखि भने किम्फले गर्मीयाम रोजेको छ। जाडोमा छोटो दिन, चिसो उस्तै । विहे, ब्रतबन्धदेखि अन्य पर्वले पुस व्यस्त महिना ! किम्फ फाउन्डेसनले रोजेको जेठ महिना; पर्यटक आउने महिना, पर्वतारोहण गर्ने समय पनि ! दिन पनि लामो, फिल्म पनि अबेरसम्म देखाउन पाइने ।
अभिनेता दयाहाङ राई फेस्टिभल पुगेको फिल्म नेपालको बक्स अफिसमा चल्दैन भन्ने धारणा भ्रम मात्र रहेको धारणा राख्छन् । जेठ २५ देखि प्रदर्शनमा आउने 'गाउँ आएको बाटो' को प्रसंग उठाउँदै अभिनेता राईले फेस्टिभल पुगेको र घरेलु बजारको फिल्ममा त्यति भिन्नता नहुने बताए ।
बलिउड अभिनेता ज्याकी श्रफ आफ्नो नाम, व्यक्तिगत पहिचान र फिल्म क्षेत्रबाट पाएको उपनाम बचाउन दिल्ली उच्च अदालत पुगेका छन् । 'अप्ना भिडू' उपनामले प्रख्यात श्रफले आफ्नो नाम ज्याकी, उपनाम जग्गु दादा, भिडू आफ्नो आवाज र शारीरिक हाउभाउको सुरक्षाका लागि उच्च अदालत पुगेका हुन् ।
फिल्म 'घरज्वाइँ'को टिजर सार्वजनिक भएको छ । टिजरमा दर्शकले रुचाएको जोडी दयाहाङ राई र मिरुना मगर देखिन्छन् । अनिल बुढा मगरद्वारा निर्देशित यो फिल्ममा मगर समुदायको संस्कार र सँस्कृतिमार्फत कथा पस्किएको छ ।
टेकुस्थित कौसी थिएटरमा 'गिल्टी अर नट गिल्टी' मञ्चन हुने भएको छ । आगामी जेठ ३ देखि २६ सम्म मञ्चन हुने यो नाटक रसियन-अमेरिकन लेखक अयन र्यान्डको नाटक 'अन द नाइट अफ जनवरी सिक्सटिन्थ'मा आधारित छ । नाटकलाई राजकमल फकिरले निर्देशन गरेका हुन् ।
सानैदेखि गीत भनेपछि हुरुक्क हुन्थिन् उनी । गीत सुन्ने, गाउने र सुनाउने चाहनाले उनलाई कहिल्यै छोडेन पनि । हुर्किंदै जाँदा गायनमै केही गर्छु भन्ने इच्छासमेत बढ्दै गयो । हँसमुख र चञ्चले उनले घरमा आउने सबैलाई गीत गाएर सुनाउँथिन् । त्यसपछिको प्रशंसाले भने मन फुरुङ्ग हुन्थिन् । झापामा जन्मिएर कक्षा ७ सम्म पढाइ सकेपछि काठमाडौं पसेकी हुन् अस्मिता अधिकारी ।
प्रदीप खड्का र दिव्या रायमाझीको मुख्य अभिनय रहेको फिल्म ‘एक्टर’ को छायांकन सुरु भएको छ । पोखराको विन्ध्यावासिनी मन्दिरमा पूजाआजासँगै फिल्मको छायांकन सुरु गरिएको हो ।
गुड्दै गरेको कार्गो ट्रेनबाट फुत्तफुत्त बालकहरु फाल हान्दैछन् । ब्याग हुर्याउँदै ट्रेनबाट हामफालिरहेका उनीहरु स्कुल बंक गरेका विद्यार्थी हुन् । दुई जुम्ल्याहा दाजुभाइ पनि साथीहरुसँगै फाल हान्ने कोसिसमा देखिन्छन्, ट्रेनको पछाडिको ह्यान्डल समाएर सही समय पर्खँदैछन् । रातो रङको जर्सी पहिरेका कोला हुन् भने नीलो रङको जर्सीमा छेउतिर उभिएका छन्, वाश्या । सन् १९९८ तिरको युक्रेनको सहर लुब्नी पुर्याउने यो दृश्यसँगै पृष्ठभूमिमा कोलाको स्वरमा भ्वाइसओभर सुनिन्छ, 'मान्छेहरु भन्छन्-जुन छोरा आमाजस्तै देखिन्छ उ जन्मँदै खुशी हुन्छ । जुम्ल्याहा भए पनि वाश्या आमाजस्तै देखिन्छ, म बुवाजस्तै' !
२३.१२°C काठमाडौं
