हटडक्समा 'देवी'को वर्ल्ड प्रिमियर

वर्ल्ड प्रिमियरसँगै बुधवार पनि यो डकुमेन्ट्री देखाइनेछ । सन् २००६ मा दश वर्षे जनयुद्ध त सकियो । तर, द्वन्द्वकालीन बलात्कारबाट पीडित देवीहरुका लागि अर्को युद्ध सुरु भयो । न्याय प्राप्तिको लडाईं ।

विद्रोही योद्धा, आमा अनि यौन दुर्व्यवहारबाट पीडित देवीले त्यहीँबाट लडाई सुरु गरिन् । सत्तामा भएकाहरुले इतिहासबाट बलात्कारको यो मुद्दालाई हटाउन खोजे तर, देवीले त्यसको विरुद्ध आवाज उठाइन् । डकुमेन्ट्रीमा देवीहरुको यही संघर्ष अनि लडाईलाई प्रस्तुत गरिएको छ ।

यो डकुमेन्ट्रीलाई नेपालसहित युके र साउथ कोरियाले निर्माण गरेको हो । नेपाली र अंग्रेजी सब-टाइटलमा डकुमेन्ट्री तयार भएको छ । डकुमेन्ट्रीलाई रोजी गर्थवेट, हिजोङ ओ, अस्मिता चौधरी खड्का र सुविना मिलेर निर्माण गरेका हुन् । डकुमेन्ट्रीलाई विष्णु कल्पितले खिचेका हुन् ।