रौतहटको फतुवा विजयपुर नगरपालिकामा दोस्रो कार्यकालका लागि नेपाली कांग्रेसका उम्मेदवार गोपाल राय यादव निर्वाचित भएका छन् । नेकपा एमाले उम्मेदवार विजय यादवलाई १ हजार ४९० मतान्तरले पराजित गर्दै उनी नगर प्रमुखमा पुन: निर्वाचित भएका हुन् । निर्वाचित नगर प्रमुख यादवले ४ हजार ८५१ मत पाए । विजयले ३ हजार ६६१ मत पाए ।
सत्ता गठबन्धनलाई पराजित गर्दै तुलसीपुर उपमहानगरपालिका प्रमुख र उपप्रमुखमा एमाले विजयी भएको छ । प्रमुखमा टीकाराम खड्का ३ हजार ६ सय ९१ मतान्तरले विजयी भएका छन् । खड्काले ३१ हजार ४ सय ८ मत प्राप्त गरेका छन् भने उनका निकतम प्रतिस्पर्धी सत्ता गठबन्धनका तर्फबाट कांग्रेसका गेहेन्द्र गिरीले २७ हजार ७ सय १७ मत प्राप्त गरेका छन् ।
नेकपा एमालेले उम्मेदवारी दर्ताका लागि निकालेको जुलुसमा नौगाड गाउँपालिका–३ स्थित गोगनेमा एक महिलाको मृत्यु भएको छ । जुलुसमा सहभागी नौगाड गाउँपालिका–२ सुण्डमुण्डकी करिब ५५ वर्षीया पाना टमटाको मृत्यु भएको खार स्वास्थ्य चौकीले जनाएको छ ।