बडीखेलमा डढेलो निभाउने क्रममा घाइते भएका एक जनाको मृत्यु
ललितपुर — गोदावरी नगरपालिका–४ बडीखेलस्थित तपेश्वर सामुदायिक वनमा लागेको डढेलो निभाउने क्रममा घाइते भएका दुई जनामध्ये शंकर पहरीको मृत्यु भएको छ ।
उनको उपचारको क्रममा कीर्तिपुरस्थित वर्न अस्पतालमा मृत्यु भएको जानकारी जिल्ला प्रहरी परिसर ललितपुरका एसएसपी शेखर खनालले दिए । अर्का घाइते रमेश पहरीको भने अस्पतालमा उपचार भइरहेको छ ।
त्यस्तै गोदावरी नगरपालिका–६ लेलेको आनन्द वनमा लागेको डढेको अझै नियन्त्रणमा आइसकेको छैन । एसएसपी खनालले आगो निभाउने क्रम जारी रहेको बताए । आनन्द वनमा लागेको डढेलो कुष्ठरोग अस्पताल कम्पाउन्डसम्म आइपुग्दा ६५ जना कुष्ठ विरामी सुरक्षित स्थानमा सारिएको छ ।
प्रकाशित : वैशाख १८, २०८१ १६:३१प्रतिक्रिया