१७.१२°C काठमाडौं
कतिन्जेल धान्ने ?
हाम्रो देशमा कति राम्रो संघीयता फल्यो
पदका लागि हाकाहाकी भव्य लेनदेन चल्यो
केन्द्रतिर हेरे पनि प्रदेश हेरे पनि
घर नजिकको सिंहदरबार हाम्रो भने पनि
कुर्सीको भाग पुर्याउने र पदमा टाँसिने
मन्त्रालय फुटाएर जग हँसाउने
कसका लागि केका लागि आयो लोकतन्त्र
लोकतन्त्रको आवरणमा भयो लुटतन्त्र
संघीयता देशका लागि घाँडो नबनोस्
फटाहालाई मागी खाने भाँडो नबनोस्
यो चालाले कतिन्जेल धान्ने विचार होला
मुलुकलाई नै भीरमा लगी फाल्ने विचार होला
– कृष्ण कुम्पुरे, आदमटार, धादिङ
प्रतिक्रिया
