धनकुटाको चौबिसे गाउँपालिका-४ को कुरुलेतेनुपा गाउँमा वनमा लागेको डढेलो बस्तीमा सल्किँदा पाँच घर र चार वटा गोठमा क्षति पुगेको छ । सोमबार अपरान्हदेखि सुरु भएको डढेलो बस्तीमा सल्किएको प्रहरीले जनाएको छ ।
कोशी प्रदेशका मुख्यमन्त्री केदार कार्कीले समाजमा रहेका जातीय भेदभावसहित विभिन्न किसिमका सामाजिक विभेदहरुको अन्त्य गर्न सबैको साझा पहल आवश्यक रहेको बताएका छन् । मानव अधिकारका लागि स्रोत विकास मञ्च नेपाल (रिडेप)द्वारा सोमबार विराटनगरमा आयोजित ५९औँ अन्तर्राष्ट्रिय जातीय विभेद तथा रङ्गभेद उन्मूलन दिवस विशेष दलित जनप्रतिनिधिको तेस्रो प्रदेश सम्मेलनमा उनले मुलुकमा आएको लोकतन्त्र, गणतन्त्रको मर्मअनुसार समाजमा हुने भेदभाव, छुवाछूत हटाउनुपर्नेमा जोड दिए ।
आगलागीबाट घरबारविहीन बनेका भोजपुरका अग्निपीडितलाई प्रदेश सांसद तथा नेपाली कांग्रेसका भोजपुर सभापति विनोद वान्तवा र भोजपुर नगरपालिका प्रमुख कैलाशकुमार आलेसहितले राहत सामग्री वितरण गरेका छन् ।
जवहरलाल नेहरु विश्वविद्यालयका पूर्वप्राध्यापक तथा भारतीय कुटनीतिज्ञ एसडी मुनीले आफु नेपालमा राजतन्त्र फर्कनुपर्छ भन्ने पक्षमा नरहेको बताएका छन् । उनले आफू गणतन्त्रको पक्षमा रहेको प्रष्ट्याउदै गणतन्त्र भित्र मौलाएका विकृतिलाई भने निर्मुल पार्नुपर्ने धारणा व्यक्त गरे ।
मोरङको सुन्दरहरैँचा नगरपालिका-६ मा जंगली हात्तीको आक्रमणमा परी दुई जना घाइते भएका छन् । हात्तीको आक्रमणबाट स्थानीय ५० वर्षीय रामकुमार श्रेष्ठ र १९ वर्षीय सन्तोष राय घाइते भएको मोरङ प्रहरीका प्रवक्ता डीएसपी रन्जनकुमार दाहालले बताए ।
सुनसरीको इटहरीमा अटिजम सम्बन्धी दुई दिने तालिम सम्पन्न भएको छ । १२० जना भन्दा बढीको सहभागिता रहेको यस तालिममा १०० भन्दा बढी अटिजम भएका बालबालिकाका अभिभावक र २० जना विशेष शिक्षामा काम गरिरहेका शिक्षकहरु सहभागी थिए ।
वनमा लागेको डढेलोले फुङलिङ नगरपालिका–८ दोखु क्षेत्रमा पाँच वटा घर जलेका छन् । वडाध्यक्ष क्षितिज सुनुवारका अनुसार बेजम्वु क्षेत्रका चार र ल्याङवाको एक घर जलेका हुन् ।
फेदाप गाउँपालिका १ सिम्लेमा आइतबार अपराह्नदेखि सुरु भएको आगलागीमा परी ५ वटा बस्तीका २३ घर जलेका छन् । आगलागीमा थप ५ वटा ग्वाली (गोठ)समेत जलेका छन् । गाउँको पुछारमा वनमा अपरान्ह १ बजे अचानक सुरु भएको आगो वनसँगै जोडिएका बस्तीमा सल्किएको थियो ।
पाँचथरको फाल्गुनन्द गाउँपालिका केन्द्र घुर्विसे पञ्चमी बजारमा आगलागी भइरहेको छ । आइतafर साँझ साढे ८ बजेतिर सुरु भएको आगलागीमा तीनवटा घर जलेका छन् भने बजार जोखिममा परेको छ । आगलागीमा स्थानीय कविन्द्र लावती, अम्बिका सापकोटा र श्रीनारायण भट्टराईका घर जलेका छन् ।
धनी र सुविधा सम्पन्न देशमा भए खडेरीका कारण बालीनाली लगाउन नपाउँदा किसानले सरकारको आलोचना गर्थे । दिनरात जलिरहेको जंगल जोगाउन र किसानको माग सम्बोधन गर्न सरकारपनि उद्धत हुन्थ्यो । सत्ता परिवर्तनको खेल खेलिरहेको मुलुकका ग्रामीण क्षेत्रका किसान भने यतिबेला खडेरी भगाउन र बालीनाली लगाउन भ्यागुताको विवाह र खोलो पूजा गर्न उद्धत छन् ।
नेपाल आदिवासी जनजाती पत्रकार माहासंघका केन्द्रीय महासचिव मिलन लिम्बूले इलाम २ को प्रतिनिधिसभा सदस्य उपनिर्वाचनमा उम्मेदवारी घोषणा गरेका छन् । काठमाडौंमा आइतबार आयोजित पत्रकार सम्मेलनमा उनले इलाम २ को उपनिर्वाचनमा स्वतन्त्र उम्मेदवार बन्न लागेको घोषणा गरेका हुन् ।
कपिलवस्तुका विप्लव बुढामगर बिहानैदेखि कोदोको बिस्कुट बनाउने काममा जुट्छन् । दिक्तेल रुपाकोट मझुवागढी नगरपालिका–२ सोल्मास्थित जनजागृति माविमा कक्षा ८ मा अध्ययनरत बुढामगरको विभाग नै विस्कुट बनाउने हो । उनीसँगै अन्य बालबालिका पनि विस्कुट बनाइरहेका हुन्छन् । उनीहरु दिनमा करिब तीन सय विस्कुट बनाउँछन् ।
फेदाप गाउँपालिका-१ सिम्लेमा आइतबार अपरान्हदेखि सुरु भएको आगलागीमा परी ५ वटा बस्तीका १६ घर जलेका छन् । गाउँको पुछारमा वनमा अपरान्ह १ बजे अचानक सुरु भएको आगो वनसँगै जोडिएका बस्तीमा सल्किएको छ ।
मोरङको पथरी शनिश्चरे वडा नं १ बुद्धचोकमा रहेको कोशी चिउरा मिलमा गएराति आगलागी हुँदा एक करोड ५० लाख रुपैया बराबरको क्षति भएको छ । राति १२ बजे मिलमा आगलागी हुँदा मिलका मेसिनरीसहित त्यहाँ राखिएको अन्न खरानी भएको छ ।