प्रदेश १
फाल्गुन ९, २०७४

मिलेमतोमा डिजेल भारतमै बिक्री

भारतको बरौनी डिपोमा पेट्रोलियम पदार्थ भर्न गएका ट्याङकरहरू उतै तेल बेचेर खाली फर्कन थालेका छन् । नेपालको भन्दा भारतमा डिजेलको मूल्य प्रतिलिटर २८ र पेट्रोलको प्रतिलिटर २२ रुपैया बढी पर्छ । 

प्रमुख पद सुनसरीमै

प्रदेश १ को प्रमुख मात्र हैन सभामुख, उपसभामुख अनि प्रतिपक्षी दलको नेतासमेत एकै जिल्लाका बनेका छन् । मुख्यमन्त्री भने थोरै मतान्तरका कारण सुनसरीका उम्मेदवारले अवसर पाएनन् ।

लोकमार्गले होटलमा लगानी थप्यो

मध्यपहाडी लोकमार्ग आसपास सुविधासम्पन्न होटलमा लगानी बढेको छ । लोकमार्गको करिब १ सय ३५ किलोमिटर खण्ड तेह्रथुममा पर्छ । लोकमार्ग निर्माणसँगै दायाँबायाँ सानाठूला होटल, पसल, लज, रिसोर्ट खुलेका छन् । सडकसँगै ग्रामीण बजारसमेत विस्तार भएका छन् ।

‘शिक्षाको विकासले मुलुक समृद्ध’

राष्ट्रपति विद्यादेवी भण्डारीले सामुदायिक विद्यालयको समुचित व्यवस्थाबाटमात्रै मुलुक समृद्ध हुने बताएकी छन् । कटारीस्थित त्रिवेणी माध्यमिक विद्यालयको स्वर्ण महोत्सवको समापन समारोहलाई मंगलबार सम्बोधन गर्दै भण्डारीले सामुदायिक विद्यालयको गुणस्तरीयता, विकास र समृद्धिबाट मात्र मुलुकको विकास सम्भव भएको बताइन् । 

मासिन थाले ट्रेकिङ रुट

दोलखाको जिरी भएर लुक्ला हुँदै सगरमाथा आधारशिविर जानेको संख्या निकै घटेको छ । सोलुखुम्बु सदरमुकाम सल्लेरीदेखि लुक्लातर्फ सडक विस्तार भइरहेको छ । चौंरीखर्कको सुर्केसम्म सडक लाने तयारीका साथ तीव्र गतिमा सडक विस्तार भइरहेको छ । पर्यटकीय क्षेत्र र जिल्लामा सडक सञ्जालहरू जोडिएका छन् ।

ADVERTISEMENT

नदी नियन्त्रणका लागि बजेट अपुग

६ जनाको ज्यान लिने गरी ७ महिनाअघि विराटनगर बजार क्षेत्रमा बाढी पस्यो । बुढीगंगा २ स्थित सुनसरी–मोरङ सिँचाइ आयोजनाको नहर भत्काउँदै साउन २९ गते केशलिया खोलाको बाढी बजार क्षेत्रमा पस्दा हजारौं परिवारले घर छोडे । विराटनगर विमानस्थलसमेत जलमग्न भयो । यस क्षेत्रका बाढीपीडितहरूको अहिले पनि पालमुनि बास छ । 

हुलाकी राजमार्गका पुल निर्माणमा ढिलाइ

ठेकेदार कम्पनीले पुल निर्माणमा ढिलाइ गर्दा हुलाकी राजमार्ग निर्माण प्रभावित बनेको छ । ठेकेदारको ढिलासुस्तीका कारण जिल्लाका ठूला नदीमा निर्माणाधीन पुलको काम अनिश्चित बनेको हो । ठेकेदार कम्पनीले निरन्तर काम नगर्दा ४ वर्षमा निर्माण सम्पन्न हुनुपर्ने पुलहरू ६ वर्ष बितिसक्दासम्म आधा पनि भएको छैन । 

प्रादेशिक महोत्सवको तयारी पूरा

यहाँ सञ्चालन हुन गइ रहेको ‘प्रादेशिक महोत्सव’ को तयारी पूरा भएको छ । सुनसरी उद्योग वाणिज्य संघले आयोजना गर्ने उक्त महोत्सव ११ दिनसम्म लाग्नेछ । 

फाल्गुन ८, २०७४

एसिड आक्रमणपछि पनि प्रेम उस्तै

जामुनगाछी हटियामा पकौडा र ढुंग्री बिक्री गर्दै गर्दा भेटिइन् बिमला दास । उनका श्रीमान् आशिष पनि उनलाई सघाउन छेउमै बसेका थिए । आशिष रिक्सा चलाउँछन् । तर खाली भएका बेला श्रीमतीलाई सघाउने गर्छन् । आशिषको देब्रे आँखाको गेडी छैन ।

दाताले दिएको जग्गा नै गायब

इलम प्रशिक्षक केन्द्र दमकलाई दाताले दिएको जग्गा हराएको छ । दमक ८ स्थित स्थानीय श्यामप्रसाद श्रेष्ठले नि:शुल्क दान गरेको जग्गा हराएको हो ।

ADVERTISEMENT

बसपार्क सञ्चालन हुने

विराटनगर महानगरपालिकास्थित निर्माणाधीन बसपार्क चैतबाट सञ्चालन हुने भएको छ । निर्माण कम्पनीले महानगरपालिकालाई चैतमा हस्तान्तरण गर्ने गरी बस टर्मिनलको कामलाई तीव्रता दिएको छ ।

चिसोका कारण र्‍याफ्टिङ सुरु भएन

फागुन लागेसँगै तापक्रम बढ्नुपर्ने तर यसपटक चिसो गएको छैन । अत्यधिक चिसोका कारण तमोर नदीमा र्‍याफ्टिङ सुरु हुन सकेको छैन । तापक्रम बढ्ने समय भए पनि यो वर्ष मौसम चिसिरहेकाले र्‍याफ्टिङका लागि पर्यटक नआएको व्यवसायीहरूको भनाइ छ ।

कांग्रेस संसदीय दलमा कोइराला

प्रदेश १ को कांग्रेस संसदीय दलको नेतामा राजीव कोइराला चयन भएका छन् । संसदीय दलको नेताका लागि आइतबार उम्मेदवारी दर्ता गराएकामध्ये केदार कार्की र शेखरचन्द्र थापाले सोमबार उम्मेदवारी फिर्ता लिएपछि कोइराला सर्वसम्मत चयन भएको निर्वाचन समितिका संयोजक अधिवक्ता भरत थापाले बताए ।

बराहक्षेत्र विकासलाई गुरुयोजना 

सुनसरीको बराहक्षेत्र नगरपालिकालाई धार्मिक पर्यटकीय गन्तव्य वनाउन गुरुयोजना तयार पारिएको छ । बराहक्षेत्र नगरपालिकाका प्रमुख निलम खनालले सप्तकोसीको किनारमा रहेको बराहक्षेत्रलाई पर्यटकीयस्थल बनाउन गुरुयोजना तयार पारेको बताए । 

प्रवासद्वारा बिरामीलाई सहयोग

९ वर्षीया मुटु रोगी बालिकालाई उपचारका लागि प्रवासमा रहेका नेपाली सहयोग जुटाएका छन् । पाख्रिबास नगरपालिका–७ स्थित मुगाकी अनिशा बराइलीलाई कतारमा रहेका दुर्गा कुँवर तथा ओमनमा कार्यरत अर्जुन कार्की र हेम रोकाले आर्थिक सहयोग जुटाएका हुन् ।

ADVERTISEMENT

विद्यार्थीलाई साइकल

विद्यालयमा विद्यार्थी बढाउन र वडालाई वातावरणमैत्री बनाउने उद्देश्यले चौडण्डीगढी नगरपालिका ७ वडाले साइकल वितरण गरेको छ । वडाबाट सामुदायिक विद्यालय तथा उच्च शिक्षा हासिल गर्ने विद्यार्थीलाई साइकल वितरण सुरु गरिएको हो ।

चाङलुङ गुफाबाट ग्यास 

छथर गाउँपालिका ६ सुदापको चाङलुङ गुफामा निस्किएको प्राकृतिक ग्यास संरक्षणमा गाउँपालिकाले चासो देखाएको छ । गुफाको सिरानमा रहेको ढुंगाको ठूलो काप बाट निस्किरहेको तातो ग्यास संरक्षणमा गाउँपालिकाले चासो देखाएको हो ।

बन्दको आंशिक प्रभाव 

नेत्र विक्रम चन्द (विप्लव) नेतृत्वको नेपाल कम्युनिष्ट पार्टीले गरेको बन्दका कारण कोशी राजमार्गको धरान–धनकुटा सडक खण्डमा मंगलबार बिहानैदेखि यातायात प्रभावित बनेको छ ।

नयाँ उत्साह, नयाँ चुनौती

‘विराटनगरले आज जे गर्छ मुलुकले भोलि त्यसैलाई पछ्याउँछ ।’ प्रदेश १ को अस्थायी राजधानी विराटनगरबारे विगतमा यस्तो चर्चा सुनिन्थ्यो । आधुनिक राजनीतिको सुरुवातकर्ता अनि औद्योगिक विकासको उद्गमस्थल भएका नाताले यो भनाइ सान्दर्भिक पनि थियो ।