कान्तिपुरकर्मी अधिकारीलाई प्रादेशिक पत्रकारिता पुरस्कार

आन्तरिक मामिला तथा कानुन मन्त्रालयले विराटनगरमा सोमबार एक लाख राशीको उक्त पुरस्कार प्रदान गरेको हो । नवौं पत्रकारिता दिवसको अवसरमा सरकारले हरेक वर्ष प्रदेशमा रहि २५ वर्ष बढि पत्रकारिता गर्ने पत्रकारलाई उक्त पुरस्कार प्रदान गर्दै आएको आन्तरिक मामिला तथा कानुनमन्त्री सम्शेर राईले बताए ।

उक्त अवसरमा अधिकारी सहित पाँच पत्रकार सम्मानित भएका छन् । पुरस्कृत हुने अन्यमा मोरङका अनन्तराज न्यौपाने, सुनसरीका प्रेमबहादुर (पीवी) दियाली, झापाका भीमबहादुर नेम्वाङ र उदयपुरका महेश्वर चाम्लिङ रहेका छन् ।

पुरस्कार कोशी प्रदेशका मुख्य मन्त्री केदार कार्की, आन्तरिक मामिला तथा कानुन मन्त्री राई, स्वास्थ्य मन्त्री प्रदिप सुनुवार लगायतले संयुक्त रुपमा चेक तथा सम्मानपत्र प्रदान गरेका थिए । तत्कालीन मुख्यमन्त्री शेरधन राईको पालादेखि सुरु गरिएको प्रादेशिक पत्रकारिता पुरस्कारबाट हालसम्म २० जना पत्रकार सम्मानित भइसकेको आन्तरिक मामिला तथा कानुन मन्त्रालयका सचिव लक्ष्मीप्रसाद पौडेलले बताए ।