प्रदेशस्तरीय औद्योगिक प्रदर्शनी तथा फुड फेस्टिभल धनकुटामा

नेपाल घरेलु तथा साना उद्योग महासंघ धनकुटाको आयोजना तथा घरेलु तथा साना उद्योग कार्यालयको सहयोगमा मेला हुन लागेको जनाइएको छ ।

मेलामा कोशी प्रदेशका साना तथा घरेलु उद्योगबाट उत्पादित वस्तुको प्रदर्शनी र बिक्री वितरणका साथै मनोरञ्जनात्मक प्रस्तुतिहरु रहने घरेलु तथा साना उद्योग महासंघ धनकुटाका अध्यक्ष राजेश्वर बहादुर श्रेष्ठले बताए । मेलामा घरेलु उत्पादन, स्थानीय खानाका परिकार सहित ३० वटा स्टल रहने छ ।

२० हजार आन्तरिक पर्यटक र २ करोडको कारोबार हुने आयोजकको अनुमान छ । अमलेटारमा २० करोडको लागतमा निर्माण भएको औद्योगिक ग्राम अपेक्षाकृत सञ्चालनमा आउन नसकेपछि मेलाको आयोजना गर्न लागिएको घरेलु तथा साना उद्योग कार्यालयका प्रमुख इश्वर थापाले बताए । मेलामा घरेलु कार्यालयको १० लाख रुपैयाँ सहयोग रहेको अन्य स्रोत जुटाउने काम भइरहेको आयोजकले जनाएको छ ।