प्रदेश ५
श्रावण १, २०७५

बेलैमा पानी पर्दा समयमै रोपाइँ

धान उत्पादनका लागि देशकै पहिलो प्रदेश ५ का ७ जिल्लामा ६५ प्रतिशत रोपाइँ सकिएको छ । १२ जिल्लामध्ये रूपन्देही, कपिलवस्तु, दाङ, बर्दिया, पाल्पा, गुल्मी, प्यूठानलगायतमा अनुपातमा झन्डै ६५ प्रतिशत रोपाइँ भइसकेको हो ।

३ सिकलसेल प्रभावित भेटिए

लुम्बिनी अञ्चल अस्पताल, बुटवलमा थारू समुदायलाई मात्र लाग्ने ‘सिकलसेल एनिमिया’ परीक्षणका लागि प्रयोगशाला स्थापना भएको छ । रूपन्देही, कपिलवस्तु र नवलपरासीमा समेत सिकलसेलका बिरामी भेटिएपछि प्रयोगशाला राख्न लागिएको हो ।

बगनासकालीको जोड कृषि र पशुपालनमा

बगनासकाली गाउँपालिकाले आव ०७५/७६ को नीति, कार्यक्रम र बजेट सार्वजनिक गरेको छ । गाउँसभाबाट शुक्रबार यस आवका लागि ४३ करोड ४४ लाख २८ हजार बराबरको बजेट सार्वजनिक गरिएको हो ।

डेढ सय नेपाली महिला बनारसमा बन्धक

वैदेशिक रोजगारका लागि अवैध रूपले तेस्रो मुलुक जान लागेका करिब १ सय ५० नेपाली महिला भारत उत्तरप्रदेशको बनारसमा बन्धक बनाइएका छन् । दलालमार्फत कोठीमा बन्धक बनाइएकी एक महिलाले बर्दिया, मधुवन नगरपालिकामा रहेका श्रीमान्लाई फोन गर्दै उद्धारको अपिल गरेपछि घटना सार्वजनिक भएको हो ।

मल उपलब्ध गराउन माग

प्रदेशसभाको सोमबारको बैठकमा प्रदेशसभा सदस्यले किसानलाई तत्काल रासायनिक मल उपलब्ध गराउनेदेखि डा. गोविन्द केसीका माग सम्बोधनका विषयमा सरकारको ध्यानाकर्षण गराएका छन् ।

असार ३२, २०७५

पशुहाट र लटकनिया क्षेत्र उच्च जोखिममा

तटबन्धको काम गुणस्तरीय नहुँदा गुलरियाका पशुहाट र लटकनिया क्षेत्र बबई नदीको उच्च जोखिममा परेका छन् । नदी कटान रोक्न जल उत्पन्न प्रकोप नियन्त्रण कार्यालय नेपालगन्जले ३ वर्षदेखि गर्दै आएको आपतकालीन नदी नियन्त्रण व्यवस्थापनको काम गुणस्तरीय नहुँदा यस्तो समस्या आएको हो ।

प्रदेशले प्रकोप ऐन फेर्नुपर्ने

विपत्‌काे जोखिम न्यूनीकरण र व्यवस्थापनमा कसले र कसरी काम गर्ने भन्ने कार्यविधि नहुँदा अलमल भएको छ । वर्षासँगै बाढीपहिरोको प्रकोप सुरु भए पनि कार्यविधिको अभावमा काम गर्न अप्ठ्यारो परेको सरोकारवालाले बताए ।

एसियाका घुम्नैपर्ने स्थलमा लुम्बिनी

सन् २०१८ मा एसियाका घुम्नुपर्ने महत्त्वपूर्ण ठाउँमा बुद्ध जन्मभूमि लुम्बिनी पनि परेको छ । संसारकै विश्वासिलो गाइडबुक एवं ट्राभल वेबसाइट कम्पनी ‘लोन्ली प्लानेट’ ले घुम्नैपर्ने एसियाका १० स्थानको सूची सार्वजनिक गर्दै लुम्बिनीलाई सातौं स्थानमा राखेको हो ।

व्यवस्थापन समितिमा बालबालिका

पश्चिम नवलपरासीको सुनवल नगरपालिकाले गुणस्तरीय शिक्षा र बालबालिकाको विकासका लागि बालमैत्री विद्यालय घोषणा अभियानलाई तीव्र पारेको छ । नेपालको पहिलो बालमैत्री नगरपालिका घोषणा भएको सुनवलले संघीयतापछि थपिएको भूभागमा रहेका क्षेत्रमा बालमैत्री अभियानलाई तीव्रता दिएको हो ।

प्रदेशका १२ विद्यालय ‘उत्कृष्ट’

सामाजिक विकास मन्त्रालयले प्रदेश ५ का १२ सामुदायिक विद्यालयलाई उत्कृष्ट छनोट गरेको छ । जिल्ला शिक्षा समन्वय इकाइको सिफारिसमा मन्त्रालयको आन्तरिक मूल्यांकन समितिले उत्कृष्ट विद्यालय छनोट गरेको हो ।