बर्दियाको मधुवन नगरपालिका–४ का कालिका सामुदायिक वनमा मृतावस्थामा पाटेबाघ फेला परेको छ । डिभिजन वन कार्यालय बर्दियाका प्रमुख प्रवीण विडारीले सामुदायिक वनमा कुहिएका अवस्थामा वयस्क पाटेबाघ फेला परेको जानकारी दिए ।
रोल्पाको सदरमुकाम लिवाङमा पानी ट्यांकरले च्याप्दा एक महिलाको मृत्यु भएको छ । प्रहरीका अनुसार रोल्पा नगरपालिका-४ खाद्य टोल नजिकै शनिबार बेलुकी पौने ८ बजेतिर लु ३ त ३४०२ नम्बरको पानी ट्यांकर दुर्घटनामा परेको थियो । सोही ट्यांकरमा सवार रोल्पाको लुङरी गाउँपालिका-६ गुम्चालकी ४३ वर्षीया रुपसरी विष्टलाई च्यापेको थियो ।
प्रहरीले लागूऔषध ब्राउनसुगरसहित चार जनालाई पक्राउ गरेको छ । बढैयाताल गाउँपालिका–२, फटाहास्थित नेपाल–भारत सिमानामा शंकास्पद रूपमा भारतबाट लुकीछिपी आइरहेको अवस्थामा शंका लागि चेक गर्दा २ सय मिलिग्राम उक्त पदार्थ बरामद गरेको प्रहरीले जनाएको छ ।
लुम्बिनी प्रदेशसभाको चौथो अधिवेशनको पाँचौँ बैठक आइतबार दिउँसो १ बजे बस्दैछ । बैठकमा लुम्बिनी प्रदेश सरकारले स्थानीय सेवाको गठन, सञ्चालन र सेवाको सर्त सम्बन्धमा व्यवस्थापन गर्न बनेको विधेयक प्रस्तुत गर्ने कार्यसूची रहेको छ ।
लुम्बिनी प्रदेशका रोल्पा र रुकुमबाहेक सबै जिल्लामा हिउँदे (चैते) धान खेती हुन्छ । हरेक वर्ष चैते धान खेती गर्नेको क्षेत्रफल घट्दो छ । उत्पादन पनि वृद्धि हुन सकेको छैन ।
नागरिकको स्वास्थ्य परिक्षणका लागि गुल्मीको चन्द्रकोट गाउँपालिकाले गाउँमै विशेषज्ञ चिकित्सकसहितको एकीकृत निःशुल्क स्वास्थ्य शिविर संचालन गरेको छ । शिविरमा १ हजार ७ सयभन्दा बढीले लाभ लिएका छन् ।