कर्णाली
श्रावण ३, २०७६

बाटौमै सुत्केरी

खाँडाचक्र ११, बदालकोटकी १८ वर्षीया कमला दर्जीलाई गत शुक्रबार बेलुकी ३ बजे सुत्केरी व्यथाले च्याप्यो । दिन घर्किएकाले ३ घण्टा टाढाको जिल्ला अस्पतालमा सुत्केरी गराउन लैजान छिमेकीले स्टेचर खोजी गरे । स्ट्रेचर खोज्दै अबेर भएपछि उनले ७ बजे घरमै छोरी जन्माइन् । 

एक वर्षमा २ सय ९ सम्बन्ध विच्छेदका मुद्दा

जिल्ला अदालत सल्यानमा एक वर्षको अवधिमा २ सय ९ सम्बन्ध विच्छेदका मुद्दा परेका छन् । ५२ पुरुष र १ सय ५७ महिलाले गत आर्थिक वर्षमा सम्बन्ध विच्छेदका मुद्दा दर्ता गराएका हुन् । त्यसमध्ये १ सय ७७ थान मुद्दा फर्छ्योट भइसकेका छन् । 

हुम्लामा पहिलोपल्ट शल्यक्रिया

जिल्ला अस्पतालमा सिमकोटमा पहिलोपल्ट आन्द्राको शल्यक्रिया सफल भएको छ । सर्केगाड गाउँपालिका (७, रोडिकोटका २२ वर्षीय सन्तोष छत्यालको जिल्ला अस्पतालमै सफल शल्यक्रिया गरिएको हो । 

साँखमा घरबास कार्यक्रम

पर्यटकीय क्षेत्र तथा मध्यपहाडी लोकमार्ग नजिकको साँख गाउँमा घरबास कार्यक्रम (होमस्टे) सुरु हुने भएको छ । मुसीकोट नगरपालिका ७, साँख गाउँमा घरबास कार्यक्रम सुरु गर्न लागिएको हो ।

श्रावण २, २०७६

चौरजहारीमा बढ्याे घरजग्गा किनबेच

जिल्लाका ६ स्थानीय तहमध्ये चौरजहारी नगरपालिकामा धेरै जग्गा किनबेच भएको छ । गत आर्थिक वर्ष २०७५/०७६ मा चौरजहारी नगरपालिकामा जग्गा रजिष्ट्रेशन पासवापतको सबभन्दा बढी शुल्क चौरजहारी नगरपालिकाबाटै उठेको छ । 

लैंगिक बजेटमा कनिका छराइ

छाउपडी होस् वा बालविवाह, घरेलु हिंसा होस् वा महिलाका स्वास्थ्य समस्या । कर्णाली महिला थुप्रै समस्याले घेरिएको छ । तर, प्रदेश सरकारको बजेटले महिलाका कुनै पनि समस्यालाई छुन सकेको छैन ।

सल्यानका सडक बन्द

अविरल वर्षाका कारण सडकमा पहिरो र खाल्डाखुल्डी बढेपछि जिल्लाका करिव दर्जन सढकमा यातायात सेवा बन्द भएको छ । ग्रामीण सडक अबरुद्ध भएपछि यात्रु घण्टौं हिडेर गन्तव्यमा जान बाध्य छन् । वर्षाका कारण लान्ती–लेखपोखरा–दहखोला, लान्ती–स्यानीखाल, ढाडचौर–गुरदासे–तिमिलेलगायत सडक बन्द भएका हुन् । 

उमेर नपुगेका ७ विवाह बदर

रुकुम जिल्ला अदालतले ७ विवाह बदर गरेको छ । उमेर नपुगी गरिएका ती विवाह बदर गरिएको अदालतले जनाएको छ । विवाह बदरका लागि परेका १४ मध्ये ०७५/७६ मा ७ वटा मुद्दा फर्स्यौट भएका हुन् ।

नीति तथा कार्यक्रम घोषणामै सीमित

छायाँनाथरारा नगरपालिकाले गत आर्थिक वर्षमा नीति तथा कार्यक्रममा समाबेश गरेका अधिकांश कार्यक्रम घोषणामै सीमित भएका छन् । बढी महत्वाकांक्षी कार्यक्रम समावेश गर्दा कार्यान्वयनमा समस्या देखिएको हो । 

श्रावण १, २०७६

जथाभावी सडकले पहिरो

स्थानीय सरकारले जथाभावी निर्माण गरेका अधिकांश सडकका कारण पहिरो खस्ने समस्या बढदै गएको छ । स्थानीय तहमा टोल-टोलमा सडक पुर्‍याउन डोजरमार्फत खनिएका अधिकांश सडकले पहिरो निम्त्याएको हो ।‘पहिरो त पहिले पनि जान्थ्यो,’ सान्नीत्रिवेणी १, का नमराज सुवेदीले भने, ‘यस वर्ष डोजरले खनेका सडकको बेहाल छ, जताततै पहिरो गएर पैदल हिँड्न पनि कठिनाइ भयो ।’

बैंकको सेवाप्रवाह १९ घण्टा

राष्ट्रिय वाणिज्य बैंक सिमकोट शाखाका कर्मचारीले ३ सातायता दैनिक १९ घण्टासम्म काम गर्दै आइरहेका छन् । तर, आवको अन्तिम समय र बैंकमा कर्मचारी अभावका कारण सेवाग्राहीको सास्ती भने हट्न सकेको छैन ।

टमाटरमा डढुवाको प्रकोप

अविरल वर्षाले टमाटर खेतीमा डडुवा र ओइलाउने रोगको प्रकोप बढेको छ । रोगकिराको प्रकोप बढेपछि व्यावसायिक तरकारी खेती गर्दै आएका कपुरकोट गाउँपालिकाका झन्डै २ हजार किसान समस्यामा परेका छन् ।

चन्दननाथमा रोजगार मेला

जिल्लामा पहिलोपटक रोजगार मेलाको आयोजना गरिएको छ । बेरोजगारको लगत संकलन गरी उनीहरूलाई रोजगारी दिने उद्देश्यले चन्दननाथ नगरपालिकाले मेला आयोजना गरेको हो ।