‘सी’ डिभिजनमा आरसीको बराबरी

टोलीले यसपल्टको प्रतियोगितामा ‘प्वाइन्ट ड्रप’ गरेको यो पहिलोपल्ट हो । आरसी ३२ ले चारै खेलमा ‘क्लिन सिट’ भने राखेको छ । गोलरक्षक मौसम लुंगेली मगरले ३ सय ६० मिनेटको खेलमा कुनै गोल नखाएर सानदार प्रदर्शन गरेका हुन् । सामाजिकको भने दोस्रो बराबरीमा हो । यससँगै टोलीको २ अंक भएको छ ।

उपाधिको बलियो दाबेदारसँग एक अंक निकाल्न सफल रहे पनि सामाजिक अझै १३ औं स्थानमा छ । यो रेलिगेसन क्षेत्रमा नै रहेको छ । बराबरीले टिममा उत्साह भने ल्याउने छ । अर्को खेलमा वाग्मतीले स्वयम्भूसँग १–१ को बराबरी खेल्यो । वाग्मतीको ७ अंक भएको छ । टोली तेस्रो स्थानमा छ । टोलीले राज भुसालको गोलमा ४१ औं मिनेटमा अग्रता लिएको थियो । खेलको ७६ औं मिनेटमा स्वयम्भूबाट रञ्जन पुनले बराबरी गोल फर्काए । बढुवाका लागि प्रत्याशी वाग्मतीले अपेक्षाअनुसार प्रदर्शन गर्न सकेको छैन । स्वयम्भू ११ औं स्थानमा छ । बराबरीको नतिजाले टोलीलाई पनि उत्साहित राख्नेछ ।