आईपीएल २०२४ : मुम्बईलाई हराएपछि कोलकाता प्ले–अफ नजिक

सूर्यकुमार यादवले ३५ बलमा ५६ रन बनाएर मुम्बईको आश जगाए पनि उनी १६ औं ओभरमा आउट भए र मुम्बईको सम्भावना समाप्त भयो । कोलकाता वानखडेमा विजयी रहेको यो १२ वर्षयता पहिलो हो । यो सिजन उसले दस खेलमा सातौं जित निकालेको छ । दोस्रो स्थानमा रहेको कोलकाता प्ले–अफ नजिक पनि पुगेको छ ।

राजस्तान रोयल्स मात्रै १६ अंकमा कोलकाताको अगाडि छ । मुम्बई भने दस टिममध्ये नवौंमा छ र यो यस सिजनका ११ खेलमध्ये आठौं हार हो । कोलकाताका लागि भने भेंकटेस अयरले सर्वाधिक ७० रन बनाए । उनले ५२ बलमा छ चौका र तीन छक्का प्रहार गरे र ‘प्लेयर अफ द म्याच’ रहे ।