नेपाल र उत्तरी भारतलाई समेट्ने टोस्टमास्टर्स इन्टरनेशनलको डिस्ट्रिक्ट ४१ को डिस्ट्रिक्ट डाइरेक्टरमा नेपालीकी मुन प्रधान निर्वाचित भएकी छिन् । टोस्ट मास्टर इन्टरनेसनलका अनुसार नेपालबाट उक्त पदको नेतृत्व गर्ने उनी पहिलो महिला बनेकी छिन् ।
मनमोहन कार्डियोथोरासिक भास्कुलर एन्ड ट्रान्सप्लान्ट सेन्टरमा कार्यरत डा.स्मृति शाक्यको नयाँ गीत सार्वजनिक भएको छ । शाक्यले पछिल्लो समय ‘मैले माया लाएको धोका दिन होइन, मैले प्रीति गाँसेको दुःख दिन होइन’ बोलको गीतको म्युजिक भिडियोसहित बाहिर ल्याएकी छन् ।
नेकपा एकीकृत समाजवादीको विद्यार्थी संगठन अनेरास्ववियूले विद्यार्थी दिवसको अवसरमा दुई दिने शैक्षिक गोष्ठी गर्ने भएको छ । त्रिभुवन विश्वविद्यालय केन्द्रीय क्याम्पस कीर्तिपुरमा 'आजको पुँजीवाद, शिक्षा प्रणाली र विद्यार्थी आन्दोलन' विषयक गोष्ठी मंगलबार र बुधबार दुईदिन चल्नेछ ।
आइसिटी फाउण्डेसनले नेपाल डिजिटल नेपाल कन्क्लेभको तेस्रो संस्करण जेष्ठ २५ गते आयोजना गर्ने भएको छ । डिजिटल नेपाल कन्क्लेभ २०२४ को मुख्य थिम ‘हार्मोनाइजिङ डिजिटलाइजेसन एण्ड डेभलपमेन्ट’ रहेको छ ।
कोडेभर-५ अन्तर्राष्ट्रिय प्रतियोगितामा नेपाली प्रतियोगी पुरस्कृत भएका छन् । दुबईमा मे ४ र ५ मा भएको कोडेभर-५ अन्तर्राष्ट्रिय प्रतियोगितामा एसिया प्यासिफिक विद्यालयका विद्यार्थीले प्रदर्शन गरेको खुला जमिनमा सिँचाइ प्रविधिको नमुनाले पुरस्कार प्राप्त गरेको हो ।
नेपाल खाद्य, आयुर्वेदिक, न्युट्रास्युटिकल्स तथा कस्मास्यिुटकल्स संघ (फ्यानक्यान) अध्यक्षमा पुन: सुरेन्द्र मानन्धर चयन भएका छन् । संघको महाधिवेशनले बरिष्ठ उपाध्यक्षमा शम्भु यादव, उपाध्यक्षमा भिम बिष्ट, दिपेशजंग शाह, महासचिवमा गौरव श्रेष्ठ, सचिवमा गौरव बर्मा, गोपाल बहादुर जिसी, कोषाध्याक्षमा प्रदीप महतो, सहकोषाध्यक्षमा रामदिन तेली र सदस्यहरुमा प्रतीक शाही, बिरेन्द्र पटेल, विन्देश्वरप्रसाद पाण्डे, विनायकराज पाण्डे, भुवनप्रसाद जोशी र सुवर्ण पोखरेल चयन भएका छन् ।
नेपाल स्वास्थ्य सम्मेलनको दोस्रो संस्करण वैशाख २१ र २२ मा काठमाडौंमा हुने भएको छ । सञ्चारकर्मीहरुको समूह त्रिकल प्रोडक्सनको आयोजनामा 'स्वस्थ नेपाल निर्माणको अग्रसरता : सरकार, सामुदायिक र निजी क्षेत्र सबैको सहभागिता' भन्ने नारासहित स्वास्थ्य सम्मेलन हुन लागेको हो ।
२२.१२°C काठमाडौं
