विद्या राई

स्वास्थ्य तथा जनसंख्या मन्त्रालयले अनुमतिबेगर र मापदण्डविपरीत सञ्चालन भइरहेका अटिजम थेरापी सेन्टर तथा बाल क्लिनिकलगायत स्वास्थ्य संस्थालाई कारबाही गर्ने चेतावनी दिएको छ । केही स्वास्थ्य सेवासँग सम्बन्धित संस्था, अटिजम थेरापी सेन्टर, वाल क्लिनिक मापदण्डबमोजिम नभएको, अनुमति नलिई सञ्चालन भएको र शुल्क बढी लिने गरेको गुनासो आएपछि गत बिहीबार मन्त्रालयको गुणस्तर मापन तथा नियमन महाशाखाले परिपत्र लेख्दै सो जानकारी गराएको हो । 

कीर्तिपुरका २६ वर्षीय राज श्रेष्ठ ‘ख’ वर्गको अपांगता परिचयपत्र वाहक हुन् । टेकुस्थित नेपाल आयल निगममा कार्यरत उनी चारपाङ्ग्रे स्कुटर (दुई पांग्रे स्कुटरको दायाँबायाँ दुई पांग्रा थपेर बनाइएको) चलाउँथे । स्कुटर चलाउने क्रममा दुर्घटनामा परेपछि सुरक्षित हुने सवारी चलाउने सोच बनाएर उनले साथीभाइको गाडी चलाउन सिके । सडकमा गाडी चलाउन सक्ने आत्मबल भएपछि तीन महिनाअघि विद्युतीय कार किने ।

आगलागीले सखाप बनाएको उजाड बस्तीमा बेला बेला हुरी चल्दा खरानी उडेर मुखसम्मै आइपुग्छ । तैपनि महोत्तरीको मटिहानी–६ जरलहवागाछीका ८० वर्षीय इलिहास अन्सारीलाई बस्तीभन्दा पर जान मन लाग्दैन ।

अपांगता भएकालाई सामुदायिक सहायता तथा व्यक्तिगत सहयोगी सेवा निःशुल्क उपलब्ध गराउने सहमति कार्यान्वयन नगरेको भन्दै तनहुँका दीपक भण्डारीले अनशन थालेका छन् । आफू र महिला, बालबालिका तथा ज्येष्ठ नागरिक मन्त्रालयबीच भएको सम्झौता एक महिनाभन्दा बढी समय बितिसक्दा पनि कार्यान्वयनमा नआएको भन्दै उनी मंगलबारदेखि काठमाडौंमा अनशन बसेका हुन् ।

नेपाल रेडक्रस सोसाइटीको केन्द्रीय कार्यालयमा भएको भनिएको अनियमितता र भ्रष्टाचार छानबिन गर्न सरकारले फेरि अर्को समिति गठन गरेको छ । महिला, बालबालिका तथा ज्येष्ठ नागरिक मन्त्रालयले आइतबार समाज कल्याण परिषद्का कार्यसमिति सदस्यको संयोजकत्वमा पाँच सदस्यीय छानबिन समिति गठन गरेको हो । समितिमा परिषद्को अनुगमन विभाग प्रमुख, प्रशासन विभाग प्रमुख, कानुनी सल्लाहकार र आर्थिक विज्ञ सदस्य छन् । 

काठमाडौं महानगरपालिकाले अटिजम भएका बालबालिकामैत्री विद्यालय सञ्चालन गर्ने तयारी थालेको छ । विद्यालय सञ्चालन गर्नका लागि आवश्यक अध्ययन गरेर प्रतिवेदन तयार गर्न महानगरले दुई सदस्यीय समिति गठन गरेको हो । 

वैवाहिक बलात्कारको आरोप लागेका निलम्बित जिल्ला न्यायाधीश भुवन गिरीले सोमबार काठमाडौं जिल्ला अदालतमा आफैं उपस्थित भएर आत्मसमर्पण गरेका छन् ।

१३ वर्षको हुँदा आफू पढ्ने विद्यालयकै प्रधानाध्यापकले बलात्कार गरेको विरुद्ध जिल्ला अदालत र उच्च अदालतबाट न्याय नपाएपछि बाराकी एक पीडित काठमाडौंस्थित सर्वोच्च अदालत धाइरहेकी छन् । सात वर्षअघि नाबालिक हुँदा बलात्कारको सिकार बनेपछि प्रहरीमा आमाले दिएको जाहेरीबाट उनको न्यायको लडाइँ सुरु भएको हो ।

उच्च अदालत पाटनले राष्ट्रिय महिला आयोगकी अध्यक्ष कमलाकुमारी पराजुली मुछिएको अनियमितता मुद्दामा अख्तियार दुरुपयोग अनुसन्धान आयोगविरुद्ध कारण देखाउ आदेश जारी गरेको छ । 

देशभर डढेलो लाग्ने क्रम सुरु भएसँगै राजधानी काठमाडौंसहितका स्थानमा केही दिनयता वायु प्रदूषण बढेको छ । सुक्खायामका कारण डढेलो र गहुँका छ्वालीजस्ता कृषि अवशेषहरू जलाउने क्रम बढेकाले अघिपछिभन्दा वायु प्रदूषण उच्च भएको हो ।