सवारी जाम हटाउन राजमार्ग स्तरोन्नति

धादिङको धुनीबेंसी नगरपालिकाले राजधानी प्रवेशद्वार मानिने राजमार्गको सवारी जाम हटाउन स्तरोन्नति र वैकल्पिक सडक अवधारणा ल्याएको छ
हरिहरसिंह राठौर

(धादिङ) — राजधानीको मुख्य प्रवेशद्वार मानिने राजमार्गमा नियमितजसो भैरहने सवारी जाम हटाउन धुनीबेंसी नगरपालिकाले आगामी आर्थिक वर्षका लागि उल्लेख्य बजेट विनियोजन गरेको छ । धार्के खानीखोलादेखि नागढुंगासम्मको करिब ३० किमि सडकमा एउटै सवारी साधन बिग्रेमा घण्टौं सडक जाम हुन्छ । नगरपालिकाले राजमार्ग स्तरोन्नति र वैकल्पिक सडक अवधारणाअनुसार बजेट विनियोजन गरेको हो ।

सीसीटीभीमा सडक जाम नियाल्दै प्रमुख बालकृष्ण आचार्य । तस्बिर : हरिहरसिंह/कान्तिपुर
सीतापाइला–धार्के सडकलाई केन्द्र वा प्रदेश कुन सरकार मातहत राख्ने अलमलले काममा ढिलाइ भएको नगरप्रमुख बालकृष्ण आचार्यले बताए । त्रिभुवन राजपथको विकल्प तत्काल खोजी गर्नुपर्ने उनको भनाइ छ ।
नियमित भइरहने सवारी जामको विकल्प धार्के–भीमढुंगा–सीतापाइला २६ किमि कच्ची सडकलाई स्तरोन्नति गरी कालोपत्रे गरिने योजना नगरपालिकाले अगाडि सारेको छ ।

सडकतर्फ धुनीबेंसी नगरपालिकाको ७ करोड २४ लाख २० हजार रकमबाट ५५ वटा सडक र संघ एवं प्रदेशमार्फत ७ करोड ५० लाख रकमबाट ७ सडक गरी ६२ वटा सडकमा १४ करोड ७४ लाख २० हजार रुपैयाँ बराबरको बजेट विनियोजन गरेको छ ।

संघीय राजधानी काठमाडौंलाई देशका अन्य भागसँग जोड्ने मुख्य राजमार्ग यही नगरपालिका हुँदै जाने र प्राथमिकता प्राप्त काठमाडौं–नौबिसे सुरुङमार्गको मुख्य प्रवेशविन्दुसमेत यही नगरपालिकामा रहेकाले यस नगरलाई गेटवे सिटी–धुनीबेंसीको रूपमा विकास गर्ने लक्ष्यका साथ सडक पूर्वाधार विस्तारलाई उच्च प्राथमिकता दिइएको छ ।

नगरप्रमुख आचार्यले भूकम्पपछि राजधानीका अधिकांश इँटा, ग्यास, औषधि र सिमेन्ट उद्योगहरू धुनिबेंसीमा थपिँदै गएर खेतीयोग्य जमिन मासिँदै गएको बताए । ‘खेतीयोग्य जमिनमा उद्योग स्थापना गर्न कडाइ गरिनेछ,’ नगरप्रमुख आचार्यले भने ।

नगरपालिका उपप्रमुख निरु खरेलले आगामी आर्थिक वर्षका नीति, कार्यक्रम र योजना कार्यान्वयन गर्न ७१ करोड ८७ लाख रुपैयाँ विनियोजन गरिएको बताइन् । कुल विनियोजनमध्ये चालु खर्चतर्फ ३३ करोड ३३ लाख ६१ हजार रुपैयाँ र पुँजीगततर्फ ३८ करोड ५३ लाख ३९ हजार रुपैयाँ विनियोजन गरिएको छ ।

प्रकाशित : असार २२, २०७६ ०९:५३
ADVERTISEMENT
प्रतिक्रिया
पठाउनुहोस्
ADVERTISEMENT

मिनी ट्रक दुर्घटनामा एकको मृत्यु, दुई घाइते

हरिहरसिंह राठौर

धादिङ — सदरमुकाम धादिङबेंसीबाट ज्वालामुखी जाँदै गरेको मिनीट्रक दुर्घटना हुँदा एक जनाको घटनास्थमै मृत्य् भएको छ भने चालक सहित ३ जना घाइते भएका छन् ।

उक्त दुर्घटनामा मृत्यु हुनेमा ट्रकमा सवार ३५ वर्षीय कृष्ण नेपालीको घटनास्थलमै मृत्यु भएको प्रहरीले जनाएकोछ। सामान्य घाइते भएका चालक स्थानीय दिवाकर ढकाललाई प्रहरीले नियन्त्रणमा लिएको छ। चालकसँगै २४ वर्षीय विनु सुनार र उनकी ४ वर्षीय छोरी कपिया सुनार पनि सामान्य घाइते छन्।

सदरमुकामबाट व्यापारिक सामान र व्यापारीहरु बोकेर जाँदै गरेको बा५ ख ९७५० नम्बरको उक्त ट्रक ज्वलामुखी-६ गैरीगाउँमा सडकबाट अनियन्त्रितभै १५ मिटर तल खसेको थियो।

प्रकाशित : असार १९, २०७६ १६:४३
पूरा पढ्नुहोस्
ADVERTISEMENT
प्रतिक्रिया
पठाउनुहोस्