न्युजिल्यान्डको शतप्रतिशत सुरुआत

एएफपी

टउन्टन — केन विलियमसनले उदाहरण लायक कप्तानी इनिङ्स खेल्दै अविजित ७९ रन बनाएपछि न्युजिल्यान्डले शनिबार विश्वकपमा अफगानिस्तानलाई ७ विकेटले हरायो र शतप्रतिशत सुरुआत कायम राख्यो । विलियमसनले ९९ बल खेल्दै टिमका लागि सर्वाधिक रन बटुले र त्यसमा ९ चौका सामेल थियो ।

त्यसअगाडि जिम्मी निसमले आपmनो खेल जीवनकै उत्कृष्ट बलिङ गर्ने क्रममा ३१ रनमा ५ विकेट लिए र अफगानिस्तान १ सय ७२ रनमा अलआउट भयो ।

लगातार तेस्रो जितपछि न्युजिल्यान्ड १० टिम सम्मिलित सेमिफाइनल प्रवेशका लागि बलियो प्रत्याशी बनेको छ । सुरुआती दुई खेलमा श्रीलंका र बंगलादेशलाई हराएको न्युजिल्यान्डले विश्वकपका पछिल्ला १२ खेलमध्ये ११ मा जित निकालेको छ । उसको एक मात्र हार सन् २०१५ को विश्वकप फाइनलमा अस्टे्रलियाविरुद्ध रहेको छ । 'हाम्रो जितमा प्रदर्शन निकै उत्कृष्ट रह्यो,' विलियमसनले भने, 'अफगान टिममा उत्कृष्ट विश्वस्तरीय खेलाडी रहेको स्थितिमा यो जित महत्त्वपूर्ण रह्यो,' उनले भने ।

उनले लगातार तीन जित निकाल्न सकेकोमा खुसी पनि व्यक्त गरे । उनले भने, 'तीन जितको उपलब्धि ठूलै हो । प्रत्येक खेल उत्तिकै प्रतिस्र्धात्मक छन् ।' अफगानिस्तानले भने लगातार तीन खेल गुमाएको छ र कप्तान गुलबदिन नइबले आफ्नो प्रयासमा अझै केही कमजारी रहेको माने । 'हामीले खेलमा राम्रो सुरुआत त लियौं, तर त्यसलाई जिम्मेवारीपूर्वक पूरा गर्न सकेनौं । हामीले सस्तोमै विकेट गुमाएर दबाबमा आयौं ।'

उनले अबको खेलमा टिमले अझ मिहिनेत गर्नुपर्ने पनि स्विकारे । अफताब आलामले इनिङ्सको पहिलो बलमै मार्टिन गुप्टिललाई आउट गर्दै राम्रो सुरुआत दिए । गुप्टिलको १४ औं एकदिवसीय अन्तर्राष्ट्रिय डकको अफगानिस्तानले थप फाइदा लिन सकेन् । अफगानिस्तान लेग स्पिनर रसिद खानबिना बलिङ आक्रमणमा उत्रेको थियो । टिमको ब्याटिङका क्रममा लोकी फर्गुसनको बाउन्सरमा घाइते भएका थिए । उनको टाउकोमा चोट लागेको थियो ।




प्रकाशित : जेष्ठ २७, २०७६ ०१:०५

ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

गिब्सनलाई डे भिल्लियर्सले गर्दा गाह्रो

एएफपी

साउथह्याम्पटन — दक्षिण अफ्रिकी प्रशिक्षक ओटिस गिब्सनले विश्वकपका दौरान एबी डी भिल्लियर्ससँग जोडिएको विवादले आफूलाई पनि अप्ठ्यारो भएको शनिबार स्विकारेका छन् । विश्वकपका लागि दक्षिण अफ्रिकी टिम घोषणा ठीक अगाडि डी भिल्लियर्सले गिब्सन र कप्तान फाफ डु प्लेसिसलाई फोन गरेर आफू संन्यासबाट र्फकंदै टिमका लागि उपलब्ध हुने बताएका थिए ।

तर डी भिल्लियर्सलाई टिममा राख्नु भनेको विश्वकपको अगाडि पाकिस्तान र श्रीलंकाविरुद्ध खेलेको टिमका खेलाडीलाई अन्याय हुने समझदारी भएको थियो। दक्षिण अपि|mकाले यसपल्ट लगातार तीन खेल गुमाइसकेपछि डी भिल्लियर्सको विवादले नयाँ रूप लिएको हो। दक्षिण अअफ्रिका पहिलो तीन खेलमा इंग्ल्यान्ड, बंगलादेश र भारतविरुद्ध पराजित रहेको थियो।

अब उसले वेस्ट इन्डिजविरुद्ध खेल्नेछ। सेमिफाइनल प्रवेशको सम्भावना जीवन्त राख्न उसले बाँकी छ खेल जित्नुपर्ने दबाब हुनेछ। यस्तो नाजुक स्थितिमा डी भिल्लियर्सको विवादले आफू निराश भएको गिब्सनले भने। वेस्ट इन्डिजविरुद्धको खेल अगाडि आयोजित पत्रकार सम्मेलनमा प्रशिक्षकलाई यसबारे प्रश्न गरिएको थियो।

'डी भिल्लियर्सले मलाई सम्पर्क गरेका थिए। यो बिहानको समय थियो र त्यही दिन टिम घोषणा हुने कार्यक्रम थियो। त्यसअगाडि टिमलाई लिएर धेरै घटनाक्रम विकास भइसकेको थियो। उनले धेरै ढिला मात्र सम्पर्क राखेको हाम्राे निचोड थियो। पाकिस्तान र श्रीलंकाविरुद्धको शृंखला अगाडि नै कम्तीमा उनले हामीलाई सम्पर्क गर्नुपर्ने हुन्थ्यो,' प्रशिक्षकले थपे।

प्रकाशित : जेष्ठ २७, २०७६ ०१:००
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT