'बेल’ विवाद : कोहली र फिन्च एकै ठाउँ

एएफपी

लन्डन — भारतीय कप्तान विराट कोहलीलाई साथ दिएका छन् अस्ट्रेलियाली कप्तान आरोन फिन्चले । उनीहरू दुवै के मान्छन् भने अहिले चलिरहेको विश्वकपमा ‘बेल’ लाई लिएर जुन विवाद सुरु भएको छ त्यो सह्य छैन ।

ओभरमा आइतबार भारतविरुद्धको खेलमा अस्ट्रेलियाली प्रारम्भिक ब्याट्सम्यान बोल्ड हुनबाट त्यति बेला बचे, जति बेला उनले जसप्रित बुमराहको बलिङमा डिफ्लेक्ट गरेको बलले स्टम्पलाई त छोयो तर बेल झरेन ।

यसपल्टको विश्वकपमा यस्तो भएको पहिलोपल्ट होइन । बलले स्टम्प छोए पनि बेल नझरेपछि डेविड वार्नरले अस्वाभाभिक रूपमा जीवनदान पाए । बेल नझरेर ब्याट्सम्यान जोगिएको यो पाँचौंपल्ट हो । बेलमा आजभोलि ‘लाइट’ पनि जोडिएको हुन्छ । बल विकेटमा लागेर स्टम्प झरेपछि यसम बत्ती पनि बल्छ । वेस्ट इन्डिज र अस्ट्रेलियाबीचको खेलमा पनि क्रिस गेल यसरी नै जोगिए । माइकल स्टार्कको बलिङमा १ सय ४६ किलोमिटरको गतिमा रहेको बलले स्टम्प छोए पनि बेल झरेन ।

यस्तै घटना भयो, दक्षिण अफ्रिका र इंग्ल्यान्डबीचको खेलमा । दक्षिण अफ्रिकाका ब्याट्सम्यान क्विन्टन डी कक बेल नझरेर बचेपछि यस्तै घटनामा श्रीलंकाका ब्याट्सम्यान दिमुथ करुणारत्ने पनि बचे न्युजिल्यान्डविरुद्धको खेलमा । आईसीसीले भने यो ‘जिङ बेल’ को बचाउ नै गरिरहेका छन् । उसको दाबी छ, प्रायः क्रिकेटमा प्रयोग हुने काठको बेलभन्दा अहिले प्रयोगमा रहेको बेल झन् हलुको छ ।

बेल नझरकेकै कारण जोगिएका वार्नरले आखिरमा ५६ रन बनाए । धन्न, उनको यो प्रदर्शनले नतिजामा केही अन्तर आएन । यो अहिले विश्वकपमा चर्चाको विषय बनेको छ । पूर्व इंग्ल्यान्ड कप्तानहरू माइकल भन र नासिर हुसेनले आईसीसीलाई यस विषयमा गम्भीर हुन अनुरोध गरिसकेका छन् । दुवै कप्तानका अनुसार बेल नझर्ने क्रम संयोगभन्दा पनि दोहोरिएको घटना हुन थालेको छ । भारतले त्यो जितेर ठूलो अर्थ राखेन तर कोहलीलाई भने यो स्थिति मान्य छैन ।

‘पक्कै पनि अन्तर्राष्ट्रिय क्रिकेटको यो स्तरमा यस्तो घटना स्विकार्न सकिन्न,’ कोहलीले मिडियासँग भने, ‘प्रविधिको सहयोग पक्कै पनि चाहिन्छ तर अहिले जे भइरहेको छ त्यो ठीक भएन । अहिले बेल झर्नका लागि निकै ठूलो शक्तिले स्टम्पमा हचलच ल्याउनुपर्ने भएको छ । म ब्याट्सम्यान भएर पनि यत्तिको भनिरहेको छु । बलरलाई कस्तो भइरहेको छ, त्यो आफ्नै ठाउँमा छ । यो एक प्रकारले बलरप्रति अन्याय हो ।’

बेल नझरेर आफ्नो टिमलाई केही फाइदा भए पनि अस्ट्रेलियाली कप्तान फिन्च पनि यसको विपक्षमै छन् । उनले बेलकै कारण प्रतियोगितामा ठूलो निर्णय यताउता मोडिनसक्ने माने । उनले भने, ‘स्टम्प वास्तवमै निकै कडा छ । अहिले जुन घटना भएको छ, त्यो दोहोरिएर हुन थालेको छ । यसलाई लिएर आईसीसीले के गर्छ, त्यो मलाई थाहा छैन । तर यसलाई स्विकार्न सकिन्न । विश्वकपको सेमिफाइनल र फाइनलमै यस्तो भयो भने के गर्ने भन्ने नाजुक स्थिति बन्छ ।’

प्रकाशित : जेष्ठ २८, २०७६ ०७:४८

ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

युवराजको संन्यास

एएफपी

मुम्बई — दुईपल्ट विश्वकपका साथै क्यान्सर रोगलाई पनि जितेका युवराज सिंहले सोमबार क्रिकेटबाट संन्यास लिएका छन् । उनी पछिल्लो समय भारतको राष्ट्रिय टोलीमा स्थान बनाउन संघर्षरत थिए । 

मुम्बईमा सोमबार आयोजित संन्यास घोषणा कार्यक्रममा भारतीय क्रिकेटर युवराज सिंह । तस्बिर : एपी

‘यो उतारचढावले भरिएको यात्रा रह्यो र सुन्दर कथा पनि । यसको अन्त्य हुनैपर्ने थियो । त्यसैले मैले आफ्नो खेल टुंग्याउने यो निर्णय गरेको छु,’ ३७ वर्षे देव्रेहाते ब्याट्सम्यान युवराजले मुम्बईमा आयोजित पत्रकार सम्मेलनमा भने । आफ्नो उत्कृष्ट समयमा उनी निकै आक्रामक ब्याट्सम्यानका रूपमा रहे । युवराजले एकदिवसीय अन्तर्राष्ट्रियमा १४ शतक बनाएका छन् ।

उनले २००७ को विश्व ट्वान्टी–२० मा इंग्ल्यान्डका स्टुवार्ट ब्रोडलाई एकै ओभरमा लगातार ६ छक्का प्रहार गरेका थिए । ‘मैले गएको १७ वर्षदेखि अन्तर्राष्ट्रिय क्रिकेट प्रतियोगिता खेल्दै आएको छु । अब चाहिँ बिदा लिन्छु,’ संन्यासका क्रममा भावुक हुँदै युवराजले भने, ‘क्रिकेटले मलाई सबथोक दिएको छ, त्यसैले म यहाँ उभिएको छु ।’

‘यो माया र घृणाको जस्तै सम्बन्ध रह्यो । यसले मलाई कसरी झुक्ने, कसरी संघर्ष गर्ने र कसरी ब्युँतिने भनेर सिकायो,’ युवराजले अगाडि भने, ‘मैदानभित्र र मैदानबाहिर जे सफलता पाएँ त्यसका लागि म आफूप्रति गर्व गर्छु ।’ क्लिन हिट गर्न माहिर युवराज मध्यक्रममा धरोहर थिए । उनले भारतबाट ३ सय ४ एकदिवसीय अन्तर्राष्ट्रिय खेले । भारतको जर्सीमा उनको पछिल्लो एकदिवसीय खेल दुई वर्षअघि थियो ।

विश्व ट्वान्टी–२० को पहिलो संस्करण आयोजना हुर्दा भारतलाई विजेता बनाउन उनको महत्त्वपूर्ण योगदान रह्यो । २०११ मा भारतले आफ्नै भूमिमा ५० ओभरको विश्वकप जित्दा उनी म्यान अफ द सिरिजमा चुनिए । उनले सोक्रममा चार अर्धशतक र एक शतक बनाएका थिए । त्यसको एक सातापछि उनलाई फोक्सोको दुर्लभ क्यान्सर लागेको पत्ता लागेको थियो ।
‘तीतो सत्य यहीं नै थियो, तर क्यान्सरसँग म हार मान्ने छैन,’ युवराजले भने । क्यान्सरको उपचारपछि मैदानमा फर्किए पनि उनको प्रदर्शन पहिला जस्तो रहेन । भारत २०१४ को विश्व ट्वान्टी–२० को फाइनलमा श्रीलंकासँग पराजित भएपछि उनी आलोचनाले घेरिए । उनले ढिलो खेलेको कारणले नै भारत फाइनलमा हारेको आरोप लाग्न पुग्यो । ‘मैले २१ बलमा ११ रन बनाएको थिएँ, त्यसपछि मलाई आफ्नो खेल सकिए जस्तो लाग्यो ।’

युवराजले हार खाएनन् । उनी पुनः एकदिवसीय टोलीमा फर्किए । मध्यपंक्तिलाई स्थिर राख्न उनी २०१७ मा इंग्ल्यान्डसँगको घरेलु शृंखलाका लागि भारतीय टोलीमा डाकिए । उनले त्यही शृंख्लाको एक खेलमा १ सय ५० रन बनाउँदै एकदिवसीय अन्तर्राष्ट्रियमा आफ्नो उच्च स्कोर बनाए । सोही कारण उनलाई भारतको च्याम्पियन्स ट्रफी खेल्ने टोलीमा राखिएको थियो । उनको फर्म भने झन् खस्कन पुग्यो ।

उनले ३ सय ४ एकदिवसीयमा ८ हजार ७ सय १ रन बनाएका छन् । उनले आफ्नो अलराउन्ड क्षमताबाट १ सय ११ विकेट पनि लिए । जबकि उनको टेस्ट जीवन त्यस्तो चमक रहेन । उनले ४० टेस्टमा ३४ मुनिको औसतमा १ हजार ९ सय रनमात्र बनाउन सके । युवराजले यसै सिजन इन्डियन प्रिमियर लिग (आईपीएल) मा मुम्बई इन्डियन्सबाट पनि खेलेका थिए । अब उनले आईपीएल पनि नखेल्ने घोषणा गरेका हुन् । युवराजले बलिउड अभिनेत्री हेजल किचसँग विवाह गरेका छन् ।

प्रकाशित : जेष्ठ २८, २०७६ ०७:४७
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT