बंगलादेशी प्रशिक्षकको आक्रोश

एएफपी

ब्रिस्टल — बंगलादेशी प्रशिक्षक स्टिभ रोड्सले यदि मानिस चन्द्रमा पुग्न सक्छ भने अहिले चलिहेको विश्वकपमा मात्र किन रिजर्भ डे राख्न नसकेको हो भनेर आक्रोश पोखेका छन् । बंगलादेश र श्रीलंकाबीच वर्षाले खेल सम्भव नभएपछि उनले बुधबार गुनासो पोखेका हुन् । सन् १९९२ र २००३ मा वर्षाले २–२ खेल सम्भव भएको थिएन ।

यसपल्टको विश्वकपले भने त्यसलाई उछिनेको छ । वर्षाले विथोलिएको खेलसंख्या ३ पुगेको छ । ब्रिस्टलमै यसअघि श्रीलंका र पाकिस्तानबीचको खेल पनि पूरा हुन सकेको थिएन । यस्तै दक्षिण अफ्रिका र वेस्ट इन्डिजबीच साउह्याम्पटनमा भएको खेल पनि ७.३ ओभरमात्र चलेको थियो ।

अन्तर्राष्ट्रिय क्रिकेट काउन्सिल (आईसीसी) ले दुवै सेमिफाइनल र लर्ड्समा हुने जुलाई १४ को फाइनलका लागि रिभर्ज डे राखिएको छ । लिग चरणका खेलमा यस्तो व्यवस्था छैन । यसले अन्तिम चारमा प्रवेश गर्ने टिमको समीकरणमा गम्भीर धक्का पुग्न सक्नेछ । इंग्लिस टिमका पूर्व विकेटकिपर रोड्सले विश्वकपको राउन्ड रोबिन चरणमा पनि रिभर्ज डे चाहिने बताए ।

उनले भने, ‘यही कसैलाई इंग्ल्यान्डको मौसमबारे थाहा छ भने भन्न सकिन्छ, यहाँ पानी धेरै पर्छ । वर्षाले यसरी लगातार केही खेल हुन छाड्यो भने आयोजक पक्कै पनि ठूलो संकटमा पर्नेछ ।’प्रतियोगिता कुल ४६ दिन चल्नेछ । सबै गरेर ४८ खेल हुनेछ । अब जुन १४ को खेलमा बंगलादेशले वेस्ट इन्डिजको सामना गर्नेछ ।

प्रकाशित : जेष्ठ ३०, २०७६ ०७:५५

ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

विश्वकपमा ध्यान छैन हेजलउडको

एएफपी

ब्रिसवेन — अस्ट्रेलियाली पेस बलर जोस हेजलउडले विश्वकपमा आफ्नो ध्यान नरहेको बताएका छन् । चोट कारण उनी विश्वकप खेलिरहेको टिममा छैनन् । उनका लागि यो सह्य भइरहेको छैन । ढाडको चोटका कारण जनवरीयता उनी अस्ट्रेलियाली टिममा छैनन् ।

छनोटकर्ताले उनलाई इंग्ल्यान्डविरुद्ध अगस्टमा हुने एसेज टेस्ट सिरिजका लागि तयार हुन भनेको छ ।

अहिले उनी ब्रिसवेनमा चलिरहेको क्याम्पमा छन् । उनीसँगै अस्ट्रेलियाली ए टिमका खेलाडी छन् । त्यसमा पिटर ह्यान्ड्सकम्ब, ट्रेभिस हेड र मार्कस ह्यारिस छन् । उनीहरू शुक्रबार इंग्ल्यान्ड जानेछन् । टुर सात साताको हुनेछ । अहिले भने हेजउडल पूर्णतः फिट भइसकेका छन् । उनले विश्वकप खेलेर आफूमा रहेको शक्ति खर्चिने पक्षमा नरहेको बताए ।

‘अहिले म आफ्नै तयारीमा केन्द्रित छु । विश्वकप हेर्न म राति केही समय खर्चिन पनि सक्छु । तर त्यो मलाई सजिलो हुन्न । जति विश्वकप हेरिने काम हुन्छ, म त्यत्तिकै त्यसलाई गुमाएको पीडा महसुस गर्छु,’ उनले भने, ‘मलाई राम्रोसँग थाहा छ भने म शारीरिक रूपमा पूर्णतः फिट भयो भने राम्रो प्रदर्शन गर्न सक्छु ।’

प्रकाशित : जेष्ठ ३०, २०७६ ०७:५४
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT