एक्सलको पुनरागमन

हिमेश

काठमाडौँ — लामो समय ‘गन्स एन रोजेज’ मा बिताएका एक्सल रोज ब्यान्डका पछिल्ला टुरमा पनि निस्किसकेका छन् । अब ‘एसी डीसी’ ब्यान्डको फ्रन्टम्यान नै एक्सल हुन् भन्ने हल्ला चल्यो । ‘एसी डीसी’ भित्रै कलह रहेको स्थितिमा यो पनि हल्लामै सीमित रह्यो ।

गन्स एन रोजेज’ ब्यान्डको अस्तित्व अहिले छ भन्न पनि गाह्रो । छैन भन्न पनि गाह्रो । भर्खरै यो ब्यान्डले एउटा लामो टुर सकाएको छ, ‘नट इन दिस लाइफ टाइम’ । खुबै सफल रह्यो, नत्र यसले ५६ करोड ३० लाख अमेरिकी डलर कमाउने थिएन् । यसमा ब्यान्डका तीन प्रमुख सदस्य सहभागी थिए, एक्सल रोजदेखि स्लायस र डफ म्याककेगन । तर ब्यान्डले कुनैनयाँ गीत रिलिज नगरेको पनि धेरै भइसकेको छ । दस वर्ष भन्दा बढी ।

सन् २००८ मा ब्यान्डले अन्तिक पटक एल्बम रिलिज गरेको थियो र त्यो थियो, ‘चाइनिज डेमोक्रेसी’ । टुरकै क्रममा के पनि हल्ला चल्यो भने अब ब्यान्डमा पुनर्मिलन हुनेछ । तर यो हल्ला भन्दा केही पनि बढी भएन् । धेरैको आशंका के छ भने ब्यान्डमा दुई फ्रन्टम्यान हुन्, एक्सल र स्लायसबीच सम्बन्ध राम्रो हुन सकेको छैन् । दुवैको कुरा मिल्दैन । टुर केही नभए पनि दुई वर्ष जति लामो थियो, तर यति समय सँगै बस्दा पनि मन भने मिलेन ।

त्यसैले पनि ब्यान्डलाई लिएर केही भइरहेको छैन । खासमा विवाद विषय संगीतको स्वरूपलाई लिएर हो । अब ‘गन्स एन रोजेज’ ले लिने गीतको दिशा हुनेछ, त्यसमै कुरा अड्केको छ । एक्सल एकातर्फ फर्केका छन् भने स्लाय्स अर्कोतर्फ । अहिले यो सबै चर्चा किन भन्दा एक्सल आफैले भर्खर एउटा नयाँ गीत रिलिज गरेका छन् । यो ‘गन्स एन रोजेज’ पाराको छैन, बरु यसमा केही न केही गन्ध ‘एसी डीसी’ को छ । त्यस्तै त्यस्तै सुनिन्छ ।

यहाँनिर सम्झनु नै पर्छ, एक्सलले लामो समय त्यही ब्यान्डमा पनि बिताएका छन् र केही टुरमा पनि निस्किसकेका छन् । हल्ला त के पनि चलेको थियो भन्दा अब ‘एसी डीसी’ ब्यान्डको फ्रन्टम्यान नै एक्सल हुन् । ‘एसी डीसी’ ब्यान्ड भित्रै कलह रहेको स्थितिमा यो पनि हल्लामै सीमित रह्यो । अहिले एक्सलले रिलिज गरेको गीत हो, ‘रक द रक’ । उनले त्यही ‘चाइनिज डेमोक्रेसी’ पछि कुनै नयाँ गीतमा स्वर दिएको नै यो पहिलोपल्ट हो ।

पहिलोपल्ट यो गीत झट्ट सुन्नुपर्छ, ‘गन्स एन रोजेज’ को कुनै पनि छनक पाइन्न । यो गीतमा उनलाई स्लायस र क्याककेगनले साथ दिएका पनि छैनन् । सायद एक्सल बढी नै ‘एसी डीसी’ सँग अभ्यस्त भए कि ? खासमा एक्सल ‘लोन्ली टाइम्स’ एमिनेटेड सिरिजका खुबै प्रशंसक हुन् । यसकै एक भागका रूपमा यो गीत रिलिज भएको हो । यसमा एक्सल आपैंm एमिनेटेड रूपमा छन् । क्रिसमसको समयलाई ध्यानमा राखेर रिलिज गरिएको यस गीतमा एक्सललाई साथ दिइरहेका छन्, बग्स बनी र पोर्की पिग्सले ।

गीतमा पृथ्वीमा पुगिरहेको हानिलाई लिएर चिन्ता छ र आफ्नो संगीतको माध्यमबाट सबैलाई एकजुट गरेर विश्वलाई बचाउने सन्देश दिइएको छ । जे होस्, एक्सलका लागि यो पुनरागमन हो । ‘गन्स एन रोजेज’ ले आफ्नो भर्खरै सकिएको टुरका क्रममा प्रत्येक कन्सर्ट अगाडि त्यही ‘लोन्ली टाइम्स’ को थिम गीत बज्ने गरेको थियो । यसलाई मीठो संयोग नै मान्नुपर्छ । कतै यही निहुँमा ‘गन्स एन रोजेज’ ब्यान्ड एकजुट हुने त होइन ? कम्तीमा सकारात्मक होऔं ।
twitter : @himeshratna

प्रकाशित : पुस २७, २०७५ ११:११
ADVERTISEMENT
प्रतिक्रिया
पठाउनुहोस्
ADVERTISEMENT

सीइएसमा नयाँ

कान्तिपुर संवाददाता

काठमाडौँ — अमेरिकाको लस भेगासमा हरेक जनवरीमा हुने कन्ज्युमर इलेक्ट्रोनिक्स शो (सीईएस) संसारभरका प्रविधि कम्पनीहरूका लागि महाकुम्भ हो । यहाँ प्राय: सबै कम्पनीले आफ्ना नयाँ उत्पादनहरू प्रदर्शन गर्छन् । गत साता सकिएको सीईएसमा यो वर्ष विशेष के रह्यो त ?


पहिलो फोल्डेबल फोन
सामसुङको फोल्डेबल फोनको चर्चा हुन थालेको करिब तीन वर्ष भइसक्यो । यसअघिकै सीईएसमा एलजीले पट्याउन मिल्ने र मोबाइलमा प्रयोग गर्न मिल्ने स्क्रिन प्रदर्शन गरिसकेको थियो । तर, त्यसलाई मोबाइल डिभाइसमा प्रयोग गर्दा कस्तो देखिन्छ ? यो उत्सुकताको अन्त्य रायोलेको फ्लेक्सपाइले गरिदिएको छ । अमेरिकामा रहेको चिनियाँ कम्पनीले सीईएसमा आफ्नो डिभाइस प्रदर्शन गरेको हो ।

यो अहिले उपभोक्ताको लागि नभई डेभलपरहरूका लागि मात्रै उपलब्ध छ । कम्पनीले २ हजार बढी डिभाइसको अर्डर पाइसकेको जनाएको छ । यसलाई नपट्याई ट्याब्लेट मोडमा राख्दा यसको स्क्रिन ७.८ इन्चको छ । यसलाई सजिलै पट्याउन मिल्ने गरी बनाइएको छ । यही वर्ष सामसुङ, हुवावे र एलजीले पनि यस्तै खालको फोन सार्वजनिक गर्ने अपेक्षा गरिएको छ ।


पट्याउन मिल्ने टीभी बजारमा
एलजीले अघिल्लो वर्ष नै पट्याउन मिल्ने टीभी स्क्रिनको अवधारणा सार्वजनिक गरेको छ । तर, यो पटक भने कम्पनीले उपभोक्ताका लागि हुने गरी यस्तो टीभी सार्वजनिक गर्‍यो । टीभी यही वर्षदेखि बिक्री सुरु गर्ने घोषणा गरे पनि यसको मूल्य तोकिएको छैन । विश्लेषकहरूका अनुसार भने पट्याउन मिल्ने टीभीको मूल्य अत्यधिक हुने भएकाले उपभोक्ताका लागि त्यति आकर्षक नहुन सक्छ । टीभीको स्क्रिनलाई आवश्यक नपरेका बेला सानो आकारमा पट्याउन मिल्छ । साथै, टीभीको बेसमा ध्वनि प्रणाली जडान गरिएका कारण सानो स्क्रिन हुँदा पनि यसको आवाज उस्तै रहने कम्पनीको दाबी छ ।

लुगा पट्याउने मेसिन
अमेरिकाको क्यालिफोर्नियास्थित कम्पनी ‘फोल्डीमेट’ ले बनाएको लुगा पट्याउने मेसिन पनि यो वर्षको सीईएसको आकर्षण हो । करिब एक हजार डलर मूल्य राखिएको यो मेसिन सम्भवत: कमै प्रयोगकर्ताले किन्लान् तर यसले कसरी काम गर्छ भन्नेचाहिँ उत्सुकताको विषय भएको छ ।

हेर्दा ठूलो प्रिन्टर जस्तो लाग्ने यो मेसिनमा प्रयोगकर्ताले लुगा छिराए मात्रै पुग्छ । लुगाअनुसार मेसिन आफैंले पट्याउन सक्छ र फिर्ता पठाउँछ । यसले प्रयोगकर्ताको लुगा पट्याउने समयको बचत त गर्ला तर एक हजार डलर तिरेर यो किन्नु उपयुक्त हुन्छ ? यसको जवाफ उपभोक्ताले यो डिभाइस कत्तिको किन्छन्, त्यसैबाट थाहा लाग्छ । कम्पनीले यसै वर्षभित्र बिक्रीका लागि यो डिभाइस बजारमा पठाउने जनाएको छ ।


साइकल चलाउनेलाई एयरब्याग
एयरब्याग सामान्यतया कारमा राखिएको हुन्छ । तर, सीईएसमा भने यसपटक साइकल चलाउनेका लागि तयार गरिएको एयरब्याग प्रदर्शनीमा राखिएको थियो । यसले साइकलबाट लड्दा हुने चोटपटकबाट बचाउने उत्पादक फ्रान्सेली कम्पनी हेलाइटको दाबी छ ।

हेलाइटले विशेषत: प्यारासुट उत्पादन गर्दै आएको छ । साइकल चलाउनेका लागि तयार पारिएको एयरब्यागले उनीहरू लड्दा ढाड र पेटको भागमा लाग्ने चोट रोक्नेछ । हेर्दा सामान्य कपडा जस्तो देखिने एयरब्यागमा सेन्सर प्रयोग गरिएको छ, जसले साइकलबाट लड्दा भित्र सामान्य विस्फोट गराएर ब्यागमा ग्यास भर्न सघाउँछ ।

प्रकाशित : पुस २७, २०७५ ११:०८
पूरा पढ्नुहोस्
प्रतिक्रिया
पठाउनुहोस्
ADVERTISEMENT