कति राम्रो बगैंचा
काठमाडौँ — सत्रपत्री, गोदावरी फुले मखमली,
हामीलाई याद आयो फेरि झलझली ।
जाही, जुही, चमेली र अरू फूल फुल्दा,
मन ज्यादै रमाउँछ पारिजात फुल्दा ।
राता, नीला, पहेँला यी कति राम्रा फूल,
जथाभावी टिप्दै फाल्ने गर्नुहुन्न भूल ।
फूल फुल्दा आँप, आरु कति राम्रा लिची
फल फल्छन् मान्छे खान्छन् काँकै मिचीमिची
काँचै फल खानुहुन्न पाक्न दिनुपर्छ,
पाकेपछि फल आफैं बोटबाट झर्छ ।
जताततै मिलेको छ राम्रो बगैंचा,
हरियाली दुबो भयो हाम्रो गलैंचा ।
प्रकाशित : पुस २२, २०७५ १२:३२प्रतिक्रिया