घाम लागे हुन्थ्यो
काठमाडौँ — चिसो चिसो सिरेटोले हिमाल नाघे हुन्थ्यो
जाडो भयो पारिलो घाम लागे हुन्थ्यो
चिसो चिसो सिरेटोले हिमाल नाघे हुन्थ्यो
जाडो भयो पारिलो घाम लागे हुन्थ्यो
न त बस्ती देखिने न त मान्छे देखिने
कुहिरामै अल्झिएर घाम पनि छेकिने
यति बाक्लो अँध्यारो कुहिरो भागे हुन्थ्यो नि
हुस्सु कुहिरो भगाउन घाम लागे हुन्थ्यो नि
रुँदैछ त्यो फुच्चे भाइ मेरो छेउ आएर
च्यातिएका मैला र थोत्रा लुगा लाएर
आमासँग गतिलो नाना मागे हुन्थ्यो
गरिबका आङमा न्यानो घाम लागे हुन्थ्यो
-रमेशचन्द्र घिमिरे
प्रकाशित : माघ ६, २०७५ १०:३४प्रतिक्रिया