आयुशको माग स्टेजतिर

युवराज गौतम

काठमाडौँ — हँसिला र फरासिला आयुश घिमिरेको स्टेजमा गीत गाएर दर्शक नचाउने धोको बाल्यकालदेखिकै हो  । यति बेला उनले त्यो धोको पूरा गरिरहेका छन् र सबैको ताली पाइरहेका छन्  ।

इलाम माइजोगमाई–४ नाम्सालिङका १३ वर्षीय गायक आयुशको पहिलो गीत ‘फूल बनेर’ सार्वजनिक भइसकेको छ । सोही गीतबाट उनको चर्चा चुलिएको छ । त्यसका अलावा मेला, महोत्सव तथा अन्य सांस्कृतिक कार्यक्रममा उनलाई निम्ता आउन थालेको छ ।


फेसबुकमा पनि उनी निकै सक्रिय छन् । होम र मुना घिमिरेका छोरा आयुश इलामको हेरिटेज स्कुलमा पढ्छन् । लिटल आइडल इलाममा पहिलो भएका उनी अहिले विद्यालयमा हुने कार्यक्रममा मात्र गीत गाउँदैनन् । विभिन्न स्टेज कार्यक्रममा पुगेर दर्शक नचाउँछन् । हालै इलामको अन्तुडाँडामा आयोजित स्टेज कार्यक्रममा भेटिएका आयुषले भने, ‘नारायणगोपाल, गुलाम अली, राजेशपायल राईलगायतको गीत गाउन धेरै मन पर्छ,’ उनले भने, ‘सबैको माया पाएमा संगीत क्षेत्रमा केही नयाँ काम गरेर देखाउने
इच्छा छ ।’


उनको स्वरमा रेकर्ड भएको पहिलो गीत ‘फूल बनेर’ मा इलाम सन्दकपुरका मन्दीप राईले साथ दिएका छन् । मन्दीप राईको शब्दमा सुबी राईले संगीत भरेको गीतले विस्तारै चर्चा पाउन थालेको छ । पुराना गायक संगीतकार कुँवेर निरौला, डेनी निरौलालगायतको साथ पाएका उनी भविष्यमा संगीत क्षेत्रमा नयाँ आयामको सुरुवात गर्न सक्ने दाबी गर्छन् ।

प्रकाशित : फाल्गुन २६, २०७५ ११:५४
प्रतिक्रिया
पठाउनुहोस्

संस्कृतिको जगेर्ना

कान्तिपुर संवाददाता

काठमाडौँ —  संस्कृति र जाति—भाषा, कला इतिहास,रीति—रिवाज भूगोलको, गर्नुहुन्न उपहास  । यो नै रै’छ समाज, देशको चिनाउने पहिचान,यसको मर्म बुझ्न सके, देशकै मानसम्मान  ।

देशवासीको तन—मनमा, संस्कृतिको बास ।
साहित्य र कला चिन्तन, भर्छौं यसलाई श्वास ।
क्रियाकलाप जीवनशैली, परिष्कृत गर्दै,
कालान्तरमा संस्कृति नै, परिचय बन्दै ।
सभ्यता र संस्कृतिको, कस्तो तालमेल,
चेतनाको विकाससँगै, अनुभूति मेल ।
मानिस—मानिसबीच यसले, छुट्टयाउँछ फरक,
औचित्यता पुष्टि गर्छ, नबुझे त नरक ।
ब्रह्माण्डका जाति—पेसा, धर्म—संस्कृतिको,
सञ्चार रै’छ अलौकिक, एक अर्काको सिको ।
संस्कृति र राष्ट्रियता, जीवन्तता दिन,
विदेशीलाई चासो बढ्यो, नेपालीपन लिन ।
परम्परा, भेषभूषा, सद्भाव बढाउने,
स्वस्थ, सरल प्रकृतिको, प्रेरक बनाउने ।
अनमोल संस्कृतिलाई जोगाएमा नासो,
नत्र भोलि पुस्तालाई होला गलपासो ।

प्रकाशित : फाल्गुन २६, २०७५ ११:५४
पूरा पढ्नुहोस्
प्रतिक्रिया
पठाउनुहोस्