अठोट

कान्तिपुर संवाददाता

हुनुपर्छ आफूभित्र मैले केही गर्छु,यो धर्ती नै चम्काउने, यौटा बीज छर्छु  ।

संसारमा विचित्रको
यस्तो बाटो कोर्छु,
विकासको जताततै
यहाँ मूल फोर्छु।

छोड्दिनँ म कैल्यै पनि
मेरो आफ्नो धर्म,
निरन्तर पालन गर्छु
सँधै आफ्नो कर्म।

संघर्षले भएका छन्
मान्छे ठूला–ठूला,
बाल्न सक्छु मैले पनि
भोलि सबका चुल्हा।

भाग्यशाली अधिकारी

प्रकाशित : असार १५, २०७६ ११:२३
प्रतिक्रिया
पठाउनुहोस्

आहा हिमाल

कुम्भराज राई

 नेपाल हिमालै हिमालको धनी देश हो  । नेपालभित्र ८ हजार मिटरभन्दा अग्लो उचाइ भएका १४ वटा हिमाल छन्  ।

विश्वको सर्वोच्च शिखर सगरमाथा र तेस्रो अग्लो शिखर कञ्चनजंघा नेपालमै छन् । योपल्ट
हामी नेपालका ठूला हिमालबारे जानौं ।

६ हजार मिटरभन्दा माथि उचाइका १ हजार ३ सय १० वटा चुचुरा छन् । नेपाल आउने अधिकांश विदेशी पर्यटकको रोजाइ हिमाल हेर्ने हुन्छ । सरकारले ४ सय १४ वटा हिमालमा मात्र आरोहण अनुमति खुला गरेको छ । यस वर्षको वसन्त ऋतुमा नेपालका १४ वटा हिमालमा ९ सय ६७ जना (विदेशी/नेपाली) ले आरोहण गरे । सगरमाथा आरोहण गर्न एक जना विदेशीले ११ हजार डलर दस्तुर नेपाल सरकारलाई बुझाउनुपर्छ । नेपालीले भने एक जना बराबर ७५ हजार तिर्नुपर्छ । नेपालमा रहेका हिमालहरूको हिमरेखा ५ हजार मिटरदेखि ५ हजार ५५ सय मिटरसम्मलाई मानिन्छ । विश्वको बढ्दो तापक्रमसँगै हिमरेखा उकालो सर्न थालेको छ ।


नेपालका १५ जिल्लामा सानाठूला हिमाल छन् । मनाङ र मुस्ताङलाई हिमालपारिको जिल्लासमेत भनिन्छ । बढ्दो तापक्रमसँगै हिउँ पग्लिने समस्याले गर्दा हिमालहरू कालो पहाडका रूपमा परिणत हुन थालेका छन् । विस्तारै हिमालमा हिउँ घट्दै जाने चिन्ता बढ्न थालेको छ । हिमाली क्षेत्रमा यात्रा गर्दा लेक लाग्नु सबैभन्दा ठूलो स्वास्थ्य समस्या हो । उचाइमा अक्सिजन कम हुने हुँदा लेक लाग्ने गर्छ । तीन हजार मिटरभन्दा माथिको उचाइमा विस्तारै यात्रा गरेर लेक (अल्टिच्युड) पचाउँदै हिँड्नुपर्ने हुन्छ ।

प्रकाशित : असार १५, २०७६ ११:२३
पूरा पढ्नुहोस्
प्रतिक्रिया
पठाउनुहोस्