हजुरआमा

कान्तिपुर संवाददाता

 मेरी प्यारी हजुरआमा,साह्रै नै छिन् ज्ञानी  । सबैलाई माया गर्ने,उनको राम्रो बानी  ।

चौबन्दी र धोतीमा नै,
हुन्छिन् परी जस्ती।
जे गर्न नि अघि सर्छिन्,
जाँगरिली कस्ती।।

आफू भोकै बसी उनले,
भर्छिन् सबको पेट।
सानाठूला सबैलाई,
देख्छिन् उनी एक।।

कहिलेकाहीँ एक्लै बसी,
धुरुधुरु रुन्छिन्।
थाहा छैन मनमा उनले,
के–के कुरा गुन्छिन्।।

अब मैले पुछ्नुपर्छ,
उनका आँसु धारा।
पखाल्ने छु आजैदेखि,
उनको पीर सारा।।

ललिता ‘दोषी’

प्रकाशित : असार १५, २०७६ ११:२३
प्रतिक्रिया
पठाउनुहोस्

अठोट

कान्तिपुर संवाददाता

हुनुपर्छ आफूभित्र मैले केही गर्छु,यो धर्ती नै चम्काउने, यौटा बीज छर्छु  ।

संसारमा विचित्रको
यस्तो बाटो कोर्छु,
विकासको जताततै
यहाँ मूल फोर्छु।

छोड्दिनँ म कैल्यै पनि
मेरो आफ्नो धर्म,
निरन्तर पालन गर्छु
सँधै आफ्नो कर्म।

संघर्षले भएका छन्
मान्छे ठूला–ठूला,
बाल्न सक्छु मैले पनि
भोलि सबका चुल्हा।

भाग्यशाली अधिकारी

प्रकाशित : असार १५, २०७६ ११:२३
पूरा पढ्नुहोस्
प्रतिक्रिया
पठाउनुहोस्