आचार्यको संस्मरण

कान्तिपुर संवाददाता

काठमाडौँ — कांग्रेस नेता नरहरि आचार्य संस्मरणात्मक पुस्तकसहित आउने भएका छन् । ‘गणतन्त्रको यात्रा ः बन्दी वृत्तान्त’ चैत पहिलो साता बजारमा आउनेछ । 

२०६१ मा राजा ज्ञानेन्द्रले सत्ता हत्याएपछि धेरै नेता–कार्यकर्तासँगै बन्दी बनाइएका आचार्यले त्यही बेला गरेको टिपोर्टलाई पुस्तकाकार दिएको प्रकाशक सांग्रिलाले विज्ञप्तिमा जनाएको छ ।

Citizen

‘राजा ज्ञानेन्द्रको ‘कु’ पछि नेपाली राजनीतिको कोर्स परिवर्तन भयो,’ आचार्यले भनेका छन्, ‘माघ २१ गते मलाई पनि बन्दी बनाइयो । म बन्दी रहेको त्यही कालखण्डले नै नेपालमा गणतन्त्रको आगमनलाई थप सुनिश्चित गर्‍यो र परिवर्तनको आधार तयार गर्‍यो । खास गरी गणतन्त्रको यात्रामा म हिँडेको बाटोका प्रसंग र सन्दर्भहरू पुस्तकमा स्मृतिका रूपमा समेटेको छु ।’

प्रकाशित : फाल्गुन १०, २०७५ ०८:१७
प्रतिक्रिया
पठाउनुहोस्

दीपिका–रणवीर ‘ब्युटिफुल कपल’

कान्तिपुर संवाददाता

काठमाडौँ — दीपिका पादुकोण र रणवीर सिंह फेमिना ब्युटी अवार्डमा छाएका छन् । मुम्बईमा बुधबार साँझ आयोजित समारोहमा पहिरनका कारण मात्रै सबैजसोको चासोमा रहेनन् । यी दुईले मात्रै तीन अवार्ड पाए ।

‘दीपवीर’ दम्पतीले ब्युटिफुल कपल अफ दी इयर, वुमन अफ दी इयर र म्यान अफ दी इयर अवार्ड घर ल्याए । दीपिकाले अवार्डपछिको मन्तव्यमा भने निकै हँसाइन् ।

अवार्ड थाप्न स्टेजमा उक्लिँदा उनलाई रणवीरको ब्युटी सिक्रेटबारे सोधियो, जसमा उनी जवाफिइन्, ‘उनले सावर लिन निकै बेर लाउँछन्, तयार हुन पनि धेरै समय लिन्छन्, ओछ्यानमा उक्लिन पनि अबेरै गर्छन् ।’ यो सुनेपछि दर्शकदीर्घामा हाँसोको फोहोरो छुट्यो । दीपिकालाई मानौँ आफूले गलत बोलेको हेक्का भयो र प्रस्टीकरण शैलीमा भनिन्, ‘साथी हो, मैले रणवीर ढिलो सुत्छन् भनेँ ।’

रणवीर यति बेला ‘गली ब्वाई’ ले पाएको सफलतामा झुमिरहेका छन् । यसअघिको ‘सिम्बा’ ले पनि बक्स अफिसमा निकै राम्रो व्यापार गरेको थियो । उता, रणवीरसँगै खेलेको ‘पद्मावत’ को प्रशंसामा रमाइरहेकी दीपिका ‘छपाक’ मार्फत दर्शकमाझ आउँदै छिन् । एसिडपीडित युवतीको कथा रहेको फिल्ममा उनी मुख्य भूमिकामा हुनेछिन् ।

प्रकाशित : फाल्गुन १०, २०७५ ०८:१६
पूरा पढ्नुहोस्
प्रतिक्रिया
पठाउनुहोस्