काठमाडौँ — नेकपाका नेता एवं पूर्वउपप्रधानमन्त्री भरतमोहन अधिकारीको स्वास्थ्यमा केही सुधार आएको छ । झन्डै एक महिनादेखि मेडिसिटी अस्पतालमा उपचार गराएर गत साता हयाम्स अस्पतालमा ट्रान्सफर भएका अधिकारीलाई मंगलबार आईसीयूबाट बाहिर निकालिएको छ ।
अधिकारी निकट युवा संघका नेता महेश विष्टका अनुसार उनी बोल्न र पत्रपत्रिका पढ्न सक्ने भएका छन् । ८२ वर्षीय अधिकारीको श्वासप्रश्वासमा समस्या भएपछि एक महिनादेखि अस्पतालमै उपचार भइरहेको छ ।