मखनमा आगलागी, नियन्त्रणको प्रयास जारी
काठमाडौँ — मखनको चार तल्ले एक घरमा आगलागी भएको छ । केही बेरअघि सल्केको आगोसँगै जोडिएका अन्य घरहरुमा फैलिने डर भने टरिसकेको जनसेवा प्रहरीका डिएसपी बासुदेव खतिवडाले बताए । उनले आगलागी नियन्त्रणमा रहेको र अन्य घरहरुमा सल्किने सम्भावना नरहेको बताए ।
अहिले नेपाल प्रहरी, नेपाली सेना र सात दमकलले आगो निभाइरहेका छन् । उक्त घरको भुई तल्लामा फेन्सी पसल लगायतका पसलहरु रहेको स्थानीयले बताएका छन् । आगलागीबाट मानवीय क्षती भए/नभएको र कति आर्थिक क्षति भयो भन्नेबारे यकिन विवरण आइसकेको छैन ।
प्रकाशित : फाल्गुन २३, २०७५ १३:५२प्रतिक्रिया
