मुख्य रजिष्ट्रारमा निरौला सिफारिस

राजन भट्टराईलाई उच्च अदालतको न्यायाधिश बनाएपछि रिक्त पदमा निरौलाको नाम सिफारिस भएको हो । उनी वरियताक्रमले न्याय प्रशासनका सेवाका वरिष्ठ अधिकारी हुन् ।

यसअघि नै न्यायप्रशासनको नेतृत्व गरेका निरौलालाई तत्कालीन प्रधानन्यायाधीश गोपाल पराजुलीले दरबन्दी नै नभएको बेपत्ता छानबिन आयोगको सचिव बनाएर पठाएका थिए । उनी पछि न्यायपरिषद्को सचिव भएका थिए । निरौलाकै निर्णय र पत्रका आधारमा आफ्नो शैक्षिक प्रमाणपत्र लुकाएर पदावधि बढाएका पराजुलीले अनिवार्य अवकाश पाएका थिए ।

आयोगले श्रम अदालतका मुद्दा हेर्ने अधिकारी देवेन्द्र ढकाललाई न्यायपरिषद्को सचिवमा सरुवाको सिफारिस गरेको छ । सबै सिफारिस मन्त्रिपरिषद्बाट निर्णय भएपछि कार्यान्वयनमा आउनेछन् ।