हिन्दु राष्ट्र माग्दै राप्रपाद्वारा आन्दोलन घोषणा

राप्रपाले संविधानमा रहेको धर्मनिरपेक्षता तत्काल खारेज गरी पूर्ण धार्मिक स्वतन्त्रतासहित हिन्दु राष्ट्र घोषणा गर्न तथा संघीयताबारे राष्ट्रिय जनमत संग्रह गर्न माग राखेको छ । पार्टीले राजसंस्थासहितका सबै राजनीतिक शक्ति अटाउने मौलिक प्रजातन्त्र कायम गर्न अविलम्ब सर्वपक्षीय गोलमेच सम्मेलनको मागसमेत दोहोर्‍याएको छ ।

थापाले सरकारलाई माग पूरा गर्न दबाब दिन फागुन ७ देखि जनसंघर्ष कार्यक्रम थाल्ने जानकारी दिए । उनले हिन्दु राष्ट्र पुन:स्थापनाका लागि फागुन १५ देखि चैत १ सम्म ‘मेची–महाकाली राष्ट्रिय स्वाभिमान यात्रा’ सुरु गर्ने बताए ।