भट्टराईको आरोप- 'सर्वोच्च अदालत प्रभावित पारेर सिके राउतलाई छुटाइयो'

हरिराम उप्रेती

गोरखा — नयाँ शक्ति पार्टीका संयोजक तथा पूर्वप्रधानमन्त्री बावुराम भट्टराईले नेत्रविक्रम चन्द, रेशम चौधरी र सिके राउतको विषयमा सरकारको अभिव्यक्ति  तर्कसंगत नरहेको बताएका छन् । शनिबार गोरखा सदरमुकाममा पत्रकारसँग कुराकानी गर्दै भट्टराईले सर्वोच्च अदालत प्रभावित पारेर सिके राउतलाई रिहा गरिएको पनि आरोप लगाए ।

'कैलाली १ बाट निर्वाचित सांसद रेशम चौधरीसहित थारु विद्रोह गर्ने ११ जनालाई आजन्म कैदको सजाय दिइयो,' उनले भने, 'सिके राउतलाई पनि थुनामा राखेर कारबाही गर्ने भनिएकै थियो, तर थुनामा छँदैमा प्रधानमन्त्रीले भेटेर सहमति गरी अदालतबाट छुटाउने प्रक्रिया मिलाइएको छ, कार्यपालिका र न्यायापालिकाको सेटिङमा छुटाउनु कुन विधि र प्रक्रिया भित्र पर्छ ?'

विखण्डनको माग गरेका राउतलाई छुटाउन सर्वोच्च अदालत प्रभावित पार्ने सरकारले थारु स्वायत्त प्रदेशको माग गर्ने चौधरीलाई कठोर खाले ब्यवहार गर्नु स्वभनीय नभएको उनले बताए । सिके राउतको सामान्य राजनीतिक परिवर्तन र अधिकारको माग नभएको भन्दै भट्टराईले दोस्रो बुँदामा दोहोरो अर्थ लाग्ने सहमति भएको भन्दै असन्तुष्टि जनाए । 'राउतले पनि जनमतसंग्रह नै भनेर अभिव्यक्ति दिएका छन्, यो गम्भीर ढंगको प्रश्न उठेको छ,' उनले भने ।

राष्ट्रिय अखण्डता र जनतामा निर्भिक सार्वभौमसक्ताको विषयमा जनमतसंग्रह हुनै नसक्ने उनले बताए । जनताको अभिमतद्धारा असन्तुष्टि सम्बोधन गर्ने भनिएको छ,' उनले भने, 'राष्ट्रिय अखण्डताको कुरा कुनै पनि जनमतसंग्रहसँग लेनदेन हुन सक्दैन ।' यो विषयमा नेपाल सरकारले स्पष्ट नपारे देश र जनताप्रति धोका हुने भट्टराईको तर्क छ ।

विप्लव नेतृत्वको नेकपालाई पनि राजनीति भाषमा सम्बोधन हुनुपर्ने उनले बताए । 'प्रधानमन्त्रीले सिके राउतलाई वार्तामा ल्याएर सफलता हासिल गरेको हो भने विप्लवलाई पनि राजनीतिक भाषामा सम्बोधन हुनुपर्छ,' उनले भने, 'हिजै सम्बोधनको क्रममा अनावश्यक रुपमा लुटेरा समूह भनेर अशोभनीय र अराजनीतिक अभिव्यक्ति दिन हुन्थेन, देश विखण्डन गर्ने पक्षलाई बढो उदार भएर सम्झौता गर्न तयार हुनेले राजनीतिक विषयवस्तु उठाएकालाई वार्तामा आउ भन्नपर्थ्यो ।'

प्रकाशित : फाल्गुन २५, २०७५ १७:३२
ADVERTISEMENT
प्रतिक्रिया
पठाउनुहोस्
ADVERTISEMENT

सिन्धुपाल्चोकको लामाचौर डाँडामा प्याराग्लाइडिङ [फोटोफिचर]

पोखराभन्दा उत्तम
अनिश तिवारी

लामाचौर (सिन्धुपाल्चोक) — चौतारा साँगाचोकगढी नगरपालिका- ९ कदमबासस्थित लामाचौरगाउँको डाँडाबाट 'प्याराग्लाइडिङ' परीक्षण गरिएको छ । चौतारा साँगाचोकगढी नगर र लामाचौर 'प्याराग्लाइडिङ तथा हृयांग्लाइडिङ' संघको आयोजनामा करिब एक हजार ३ सय फिटको उचाइमा रहेको फराकिलो डाँडाबाट 'प्याराग्लाइडिङ' गरिएको हो । राजधानीबाट आएका अब्बल ३ देखि ५ जना टेण्डम (यात्रुसहित)का ग्लाइडरले चार पटक सुरक्षित रुपमा लामाचौर डाँडामा 'प्याराग्लाइडिङ' गरे ।

सुनकोसी र इन्द्रावती नदीमा र्‍याफ्टिङ देखि बन्जीमा आएका 'प्याराग्लाइडिङ'मा आकर्षित गर्ने लक्ष्य राखिएको छ । नाम कमाएको पोखराबाट यहाँ पर्यटकीय आकर्षणको केन्द्रबिन्दु बनाउन प्रेरणा लिएर युवाद्वारा चौतारा लामाचौर प्याराग्लाइडिङ संगठन बनाएको अभियन्ता पाख्रिनले प्रस्ट्याए ।

नगरको 'मास्टर प्लान'प्याराग्लाइडिङ गरेर कदमबास क्षेत्रको विकास गर्न 'मास्टर प्लान'मा बनाइएको चौतारा साँगाचोकगढी नगरपालिकाका प्रमुख अमानसिंह तामाङले बताए । 'आवश्यक पूर्वाधार निर्माणमा जुटिरहेका छौं, ' तामाङले भने । सेफ प्याराग्लाइडिङको सुरक्षित अवतरणको लागि स्थलगत अनुगमन र आवश्यक पूर्वाधार निर्माणमा नगरपालिकाले पूर्ण रुपमा जुट्ने उनले दाबी गरे । यहाँबाट सुन्दरतम् सुनकोसी नदीदेखि कालिञ्चोक, गौरीशंकर, जुगल हिमश्रृंखला नियाल्न सकिने छ ।

प्रकाशित : फाल्गुन २५, २०७५ १६:५९
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT