वेबसाइट बन्द गर्न सिफारिस

काउन्सिलका कार्यवाहक अध्यक्ष किशोर श्रेष्ठले कहीं, कतै दर्ता नभएको अनलाइनलाई गैरजिम्मेवारीको निम्ति २४ घण्टे स्पष्टीकरण, कानुनी प्रावधान मिचेबापत वेबसाइट बन्ददेखि अफवाह फैलाएकोमा प्रशासनिक कारवाहीको निम्ति सम्बन्धित निकायलाई लेखी पठाउने निर्णय भएको उल्लेख गरेका छन् ।

काउन्सिलले वेबसाइट बन्द गर्न सिफारिस गरेकोमा सरोकारवालाहरूले आलोचना गरेका छन् । काउन्सिलकै पूर्वप्रमुख पत्रकार राजेन्द्र दाहालले टिवट गर्दै ‘प्रेस काउन्सिलले वेबसाइट बन्द र प्रशासनिक कामकारबाही गर्न लेखी पठाइएको हो भने त कुरै सक्किगो नि, प्रेस स्वतन्त्रताविरोधीका हड्डी हाँसे होलान् ।’