काठमाडौँ — कांग्रेसमा नेताहरुबीचको लामो रस्साकस्सीपछि पार्टीको अनुशासन समिति गठन भएको छ । सभापति देउवाले केन्द्रीय कार्यसमितिका सदस्य भिष्म आङ्दम्बेको नेतृत्वमा अनुशासन समिति गठन गर्ने प्रस्ताव राखेका थिए ।
त्यसलाई केन्द्रीय कार्यसमितिको बैठकले सर्वसम्मितबाट पारित गरेको छ । पाँच सदस्यीय समितिमा संस्थापन पक्षबाट देवेन्द्रराज कँडेल र किशोर राठोर सदस्य छन् ।
वरिष्ठ नेता रामचन्द्र पौडेल र पूर्व महामन्त्री कृष्णप्रसाद सिटौला पक्षले दुईजनाको नाम दिन बाँकी छ ।
समिति गठन गर्ने एजेण्डा राखेर बिहान ११ बजे बैठक बोलाइएको थियो । समिति गठनमा सहमति नजुटेका कारण बैठक साँझ अवेर बसेको हो ।
सर्वसम्मतिबाटै मात्रै समितिले निर्णय लिने गरी केन्द्रीय कार्यसमितिले कार्यदेश दिने सर्तमा दुवै पक्षबीच सहमति जुटेको थियो ।
प्रतिक्रिया
