बारा र आसपासका जिल्लामा हावाहुरीको वितण्डा, उद्धारका लागि तीनै सुरक्षा निकाय परिचालित, दर्जनौं हताहत, सयौं घाइते

प्रधानमन्त्री केपी शर्मा ओली तीनवटै सुरक्षा निकायलाई उद्धार तथा राहत वितरणका लागि परिचालन गरिएको बताएका छन् । उनले मौसममा सुधार आउने बित्तिकै उद्धारमा खटिनका लागि नाइट भिजन हेलिकप्टर तयारी अवस्थामा राखिएको जानकारी दिएका छन् ।

भोली बिहानबाट आवस्यक उद्दार र राहतका लागि हेलिकप्टर तयारी अवस्थामा राखिएको छ । मौसमले साथ दिएमा तत्काल उद्दार गर्न काठमाडौंको एयर बेसमा
"नाईट भिजन" हेलिकप्टर तयारी अवस्थामा राखिएको छ।
सुरक्षाकर्मी संगै उद्दारमा संलग्न रहन म, सिंगो पार्टी पंक्तिलाई आह्वान गर्दछु।

— K P Sharma Oli (@kpsharmaoli) March 31, 2019

सामाजिक सञ्जालबाट प्राप्त सूचना अनुसार बारा र पर्साका अधिकांश अस्पतालहरु अहिले घाइतेहरुले भरिएका छन् । अस्पतालहरुमा रगतको अभाव भएसँगै रगतदान गर्नका लागि आह्वान समेत गरिएको छ ।

प्रदेश २ का मुख्यमन्त्री लालबाबु राउतले सुरक्षाकर्मी तथा स्वास्थ्यकर्मीहरुलाई उद्धार तथा घाइतेको उपचारका लागि खटिन आह्वान गरेका छन् ।

बारा पर्साको केही स्थानमा आएको डरलाग्दो आँधि ठुलो संख्यामा जनधनको क्षति भएको खबर आएको छ।दुखको यस घडिमा सम्मपूर्ण सुरक्षाकर्मीलाई उद्दार कार्यमा सहयोग गर्न आहव्ना गर्दछु।घाइतेहरुको उपचारको लागि स्वास्थ्य सेवाका कर्मचारीरु अनुरोध छ।शोकाकुल परिवारप्रति गहिरो समवेदना व्यक्त गर्दछु ।

— Lalbabu Raut (@Province2CM) March 31, 2019

रातको अवस्था भएको र बत्ति समेत नभएकोले उद्धारमा खटिन भइरहेको सुरक्षाकर्मीहरुले जानकारी दिएका छन् ।

हावाहुरीमा परी घाईतेहरुको स्वास्थ्य लाभको कामना गर्दछु । अब कसैको निधनको खबर सुन्न नपरोस् । pic.twitter.com/fbvTj7xIlG

— Nivesh Kumar (@CdeNivesh) March 31, 2019