हावाहुरी पीडितलाई कांग्रेसले २५ लाख दिने
बारा — नेपाली कांग्रेसले बारा र पर्साका हावाहुरी पीडितलाई राहत स्वरुप २५ लाख रुपैयाँ सहयोग गर्ने घोषणा गरेको छ । मंगलबार बाराको फेटा गाउँपालिकाको पुरैनिया गाउँ पुगेका कांग्रेस सभापति शेरबहादुर देउवाले पीडितहरुलाई पार्टीकोतर्फबाट २५ लाख रुपैयाँ दिने घोषणा गरेका हुन् ।
देउवा मंगलबार दिउँसो हुरी प्रभावित गाउँ पुगेका हुन् । उनले क्षति भएको स्थान अवलोकन गर्नुका साथै पीडितहरुको गुनासो सुनेका थिए।
आइतबार राति बारा र पर्सामा चलेको हावाहुरीमा २७ जनाले ज्यान गुमाएका छन् भने करिब ६ सय घाइते भएका छन्।
प्रकाशित : चैत्र १९, २०७५ १७:३९प्रतिक्रिया
