प्रधानमन्त्री ओलीद्वारा श्रीलंकामा बम बिस्फोटनप्रति दुःख व्यक्त  

ओलीले बिस्फोटमा जीवन गुमाउनेहरुप्रति श्रद्धासुमन अर्पण गर्दै घाइतेहरुको शीघ्र स्वास्थ्य लाभको कामना गरेका थिए । प्रधानमन्त्री ओली र समकक्षी विक्रमासिंघेसँगको सम्वाद उद्धृत गर्दै उनको सचिवालयले भन्यो, "श्रीलंकाका विभिन्न स्थानहरुमा भएको श्रृंखलाआद्ध आम आक्रमणमा कैयौं निर्दोषहरुले जीवन गुमाउनु परेको घटनाले मलाई अत्यन्त दुःखी बनाएको छ ।"

प्रधानमन्त्री ओलीले नेपाल सरकारले जुनसुकै रंग र रुपको आतंकवाद विरुद्धमा उभिने आफ्नो सैद्धान्तिक अडानअनुसार मानवताविरोधी घटनाको भर्त्सना गरेको बताएका छन् । दुःखद घडीमा श्रीलंकाका जनताको साथमा नेपाली जनता भएको बताएका उनको सचिवालयले जनाएको छ ।