डडेल्धुरामा बस दुर्घटना, ५ यात्रुको मृत्यु

डिआर पन्त

डडेल्धुरा — धनगढीबाट बझाङ जाँदै गरेको ना ६ ख १८३१ नम्बरको यात्रुबाहक बस डडेल्धुराको साहुखर्कमा दुर्घटनामा हुँदा ५ जनाको मृत्यु भएको छ । धनगढीबाट मंगलबार साढे ३ बजे बझाङका लागि छुटेको बस बुधबार बिहान पौने ५ बजेतिर दुर्घटना भएको प्रहरी निरीक्षक लक्ष्मी खड्काले जानकारी दिएका छन् । 


उनका अनुसार मृतकको सनाखत हुन सकेको छैन भने घाइतेको संख्या पनि यकिन भइसकेको छैन।

सडकबाट करिव २ सयमिटर तल खसेको बस दुर्घटना हुनुको कारण ओभरलोड हुन सक्ने प्रारम्भिक अनुमान प्रहरीले गरेको छ। घाइते यात्रुका अनुसार बसमा ५० भन्दा बढी यात्रु थिए। घाइतेहरुको उपक्षेत्रीय अस्पताल डडेल्धुरामा उपचारका लागि लगिएको छ।

प्रकाशित : वैशाख ११, २०७६ ०७:४९
ADVERTISEMENT
प्रतिक्रिया
पठाउनुहोस्
ADVERTISEMENT

धादिङ केन्द्रबिन्दू बनाइ ५.२ रेक्टर स्केलको भूकम्प

कान्तिपुर संवाददाता

काठमाडौँ — बुधबार बिहान धादिङ केन्द्रबिन्दू बनाइ ५.२ रेक्टर स्केलको भूकम्प गएको छ । राष्ट्रिय भूकम्प मापन केन्द्रका अनुसार आज बिहान ६ बजेर २९ मिनेटमा भूकम्पको धक्का महसुश गरिएको छ । 

गोरखा, धादिङ, रसुवा, काठमाडौं उपत्यका, मकवानपुर लगायतका जिल्लाहरुमा भूकम्पको धक्का महसुश गरिएको छ।

केन्द्रका अनुसार धादिङको नौविसेलाई केन्द्रबिन्दू बनाएर भूकम्प गएको छ। बिहानै भूकम्पको धक्का महसुश गरिएको ठाउँका बासिन्दाहरु त्रसित बनेका थिए। नौबिसे र काठमाडौंमा मानिसहरुको भागाभाग पनि चलेको थियो।

केन्द्रले यो भूकम्पको धक्का २०७२ साल वैशाख १२ गते गोरखामा गएको भूकम्पकै परकम्प भएको जनाएको छ।

प्रकाशित : वैशाख ११, २०७६ ०७:३२
पूरा पढ्नुहोस्
प्रतिक्रिया
पठाउनुहोस्
ADVERTISEMENT