चार विदेशीका शव काठमाडौंमा 

कान्तिपुर संवाददाता

काठमाडौँ — 'पहिलोपटक' थालिएको सगरमाथा सफाई अभियानले चारवटा विदेशी आरोहीका शव विहीबार हेलिकप्टरबाट काठमाडौं ल्याएको छ । मनाङ एयरको हेलिकप्टरले ती शव सगरमाथा आधार शिविरबाट लुक्ला र त्यहाँबाट सोझै शिक्षण अस्पताल महाराजगंजमा ल्याएको हो । 

मे २९ मा पर्ने १२ औं अन्तर्राष्ट्रिय सगरमाथा दिवसलाई छेको पारेर खुम्बु पासाङल्हामु गाउँपालिका, पर्यटन विभाग, नेपाली सेनालगायत आठ वटा निकायले यसपटक ५ हजार ३ सय ८० मिटरमा रहेको सगरमाथा आधार शिविरदेखि ७ हजार ९ सय मिटर उचाईमा रहेको साउथकोलसम्म सफाई गरेको थियो । त्यसक्रममा १२ हजार किलो फोहोर र ४ वटा शव संकलन गरेको सगरमाथा प्रदूषण नियन्त्रण समितिका अधिकृत निशान श्रेष्ठले बताए । यी शवमध्ये एउटा रसीयन नागरिकको भएको अन्य बाकी तीन शव पहिचान हुन सकेका छैनन् । पोष्टमार्टमपछि मात्रै यी शवको पहिचान गरेर आफन्तजनलाई हस्तान्तरण गरिने छ । यसपटकको सफाई अभियानका लागि मात्रै २ करोड ३२ लाख रुपैयाँ बजेट विनियोजन गरिएको थियो । अभियान वैशाख १ गतेदेखि लुक्लाबाट सुरु भएको थियो ।

प्रकाशित : जेष्ठ ९, २०७६ २१:२८
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

मोदीलाई देउवाको बधाई

कान्तिपुर संवाददाता

काठमाडौँ — कांग्रेस सभापति एवं पूर्वप्रधानमन्त्री शेरबहादुर देउवाले भारतमा सम्पन्न लोकसभा चुनावमा भारतीय जनता पार्टीले ठूलो सफलता हासिल गरेकामा भारतीय प्रधानमन्त्री नरेन्द्र मोदी र भाजपाका अध्यक्ष अमित शाहलाई बधाई तथा सफलताको शुभकामना व्यक्त गरेका छन् ।

देउवाले मोदी र शाहलाई छुट्टाछुट्टै पत्र पठाई कांग्रेस पार्टी र आफ्नो व्यक्तिगत तर्फबाट बधाई तथा शुभकामना दिएको कांग्रेस केन्द्रीय कार्यालयले बिहीबार जनाएको छ ।

देउवाले पत्रमा नेपाल र भारतबीच सदियौंदेखि कायम रहेको पुरानो सम्बन्ध र मित्रता आगामी दिनमा थप सुदृढ र सार्थक हुँदै जानुका साथै दुवै पार्टीबीचको सम्बन्ध र सहकार्य अझ बलियो हुने विश्वाससमेत व्यक्त गरेका छन् ।

प्रकाशित : जेष्ठ ९, २०७६ २०:५२
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT