ऊर्जामन्त्री पुन र राष्ट्रसङ्घका उपमहासचिवबीच भेटवार्ता

रासस

काठमाडौँ — ऊर्जा, जलस्रोत तथा सिँचाइमन्त्री वर्षमान पुन र संयुक्त राष्ट्रसङ्घका उपमहासचिव लिउ झिन मिनबीच भेटवार्ता भएको छ । संयुक्त राष्ट्रसङ्घको मुख्यालय न्यूयोर्कमा उहाँहरुबीच भएको भेटवार्तामा ऊर्जा क्षेत्रमा सयुक्त राष्ट्रसङ्घ र नेपाल सरकारबीच गर्न सक्ने सहकार्य र दिगो विकासको बारेमा छलफल भएको मन्त्रीका प्रेस संयोजक रोशन खड्काले जानकारी दिए । 

भेटमा मन्त्री पुनले नेपालले ऊर्जाको पहुँचलाई प्राथमिकतामा राखेर काम गरिरहेको बताउनुभयो । उहाँले १० वर्षमा १५ हजार मेगावाट बिजुली उत्पादन गर्ने लक्ष्य सरकारले राखेको भन्दै त्यसका लागि काम अघि बढिरहेको समेत भेटमा बताए । अमेरिकाको न्यूयोर्कमा शुक्रबार राष्ट्रसङ्घीय फोरमलाई सम्बोधन गरेपछि मन्त्री पुनले उपमहासचिवसँग भेटवार्ता गरेका थिए । भेटमा मन्त्री पुनले नयाँ संविधान जारी भएसँगै देशमा स्थिर सरकार बनेको र अहिले दिगो विकासको लक्ष्यसहित सामाजिक–आर्थिक विकासको बाटोमा अगाडि बढेको धारणा राखे ।

मन्त्री पुनले सफा ऊर्जाबाट आयातित पेट्रोलियम घटाउँदै जाने नेपालको लक्ष्य रहेको उल्लेख गर्दै अहिले निर्माण भइरहेका जलविद्युत् परियोजनाबाट यस क्षेत्रमा महत्वपूर्ण प्रगति भइरहेको जानकारी गराए । उनले दिगो विकास लक्ष्यमा समेटिएको ऊर्जासम्बन्धी लक्ष्यलाई पूरा गर्न सरकारले कार्यक्रममै राखेर उच्च प्राथमिकताका साथ अघि बढाएको बताए ।

भेटमा राष्ट्रसङ्घका उपमहासचिव झिन मिनले नेपालको ऊर्जा र जलविद्युत्‌को क्षेत्रको ठूलो सम्भावना रहेको भन्दै संयुक्त राष्ट्रसङ्घको आर्थिक, सामाजिक तथा विकास परिषद् सहकार्य गर्न इच्छुक रहेको धारणा राखे । उनले ऊर्जा क्षेत्रमा पनि नेपालले गरिरहेको प्रगतिको प्रशंसा गर्दै राष्ट्रसङ्घ नेपाल सरकारसँग नजिक रहेर काम गर्न इच्छुक रहेको समेत बताए ।

प्रकाशित : जेष्ठ ११, २०७६ २१:२३
प्रतिक्रिया
पठाउनुहोस्
ADVERTISEMENT
ADVERTISEMENT

भेनेजुएलामा बन्दीबीच झडप, २९ को मृत्यु

एजेन्सी

काराकस — भेनेजुएलाको एक थुनुवा कक्षमा भएको भिडन्तमा कम्तीमा २९ बन्दीको ज्यान गएको छ । पोर्चुगुएसा राज्यको प्रहरी कार्यालयमा रहेको थुनुवा कक्षका बन्दीबीच एक आपसमा भिडन्त भएको हो । घटनाका क्रममा १९ प्रहरी अधिकारी घाइते छन् ।

बन्दी अधिकारसम्बन्धी एक संस्थाका अनुसार बन्दी भेट्न आएका मानिसलाई एक समूहले नियन्त्रणमा लिएपछि दुई पक्षबीच झडप भएको हो । त्यसलगत्तै प्रहरीले हस्तेक्षप गरेपछि थप क्षति भएको जनाइएको छ ।

सार्वजनिक सुरक्षा प्रमुख ओस्कार भलेरोले २५० जना क्षमताको थुनुवा कक्षमा ५४० बन्दी राखिएको थियो । भलेरोले भिडन्तका क्रममा गोली हानाहान तथा गि्रनेड आक्रमणसमेत भएको दाबी गरे ।

भेनेजुएलाका थुनुवा कक्षमा क्षमताभन्दा बढी बन्दी राखिने कारण पटकपटक भिडन्त हुने गरेको छ । सन् २०१८ को मार्चमा कैदीहरुबीचको भिडन्तमा ६८ को मृत्यु भएको छ ।

प्रकाशित : जेष्ठ ११, २०७६ २१:००
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT