इक्यान शैक्षिक मेला असारमै

भृकुटीमण्डपमा हुने मेला असार २६ बाट चार दिन चल्ने विज्ञप्तिमा उल्लेख छ ।

‘शैक्षिक मेला परम्परालाई निरन्तरता दिँदै यस वर्ष १३ औं संस्करण भव्यतासाथ आयोजनाको तयारी गरेका छौं,’ इक्यानका अध्यक्ष विष्णुहरि पाण्डेले भने, ‘यस शैक्षिक मेलाबाट विद्यार्थी, अभिभावक तथा अन्य सरोकारवालाले स्वदेशी एवम् विदेशी शिक्षा प्रणाली तथा प्राप्त योग्यताको भावी सम्भावना, अवसरबारे सम्पूर्ण जानकारी पाउनेछन् ।’

मेलामा इक्यानका सदस्य संस्थाका शैक्षिक परामर्श व्यवसायीहरू, स्वदेशी तथा विदेशी शैक्षिक संस्थाहरूको सहभागिता रहनेछ । जसमा भारत, चीन, बंगलादेश, श्रीलंका, जापान, फ्रान्स, अमेरिका, बेलायत, न्युजिल्यान्ड, अस्ट्रेलिया, नर्वे, फिनल्यान्ड, मलेसिया, जर्मनी, डेनमार्क, साइप्रसलगायत देशका कलेज तथा विश्वविद्यालयका प्रतिनिधि रहने जनाइएको छ ।