चन्द समूहका नेता कुमार पौडेलको दोहोरो भिडन्तमा नै मृत्यु भएको गृहको स्पष्टोक्ति

सरकारको तर्फबाट जवाफ दिँदै गृहमन्त्री थापाले राज्य व्यवस्था समितिको निर्देशनअनुसार बनेको छानविन समितिले दिएको प्रतिवेदनका आधारमा पौडेको मृत्यु दोहोरो भिडन्तमा भएको बताए ।

गृहमन्त्री थापाले भने गस्तीमा रहेको प्रहरी टोली र चन्द समूहका कार्यकर्ताको जम्काभेट भएको र भेटका क्रममा सुरुमा चन्दका कार्यकर्ताले सुरक्षाकर्मीलाई लक्षित गरेर फायरिङ गरेको बताए । उनले सदनलाई जानकारी दिँदै भने, 'चन्द समूहका कार्यकर्ता लालबन्दीबाट सिन्धुलीतर्फ जाँदै गर्दा सुरक्षाकर्मीसँग जम्काभेट भयो र त्यसक्रममा कुमार पौडेलसँगै रहेका सहकर्मीले फाइरिङ गर्दै वन तिर भागे र कुमार पौडेलले पनि पछि सुरक्षाकर्मीलाई लक्षित गर्दै फायरिङ गरे । जवाफी फायरिङमा सुरक्षाकर्मीले चलाएको गोली लागि पौडेलको मृत्यु भयो ।'