खोटाङमा पहिरोले घर भत्काउँदा तीनको मृत्यु

कान्तिपुर संवाददाता

काठमाडौँ — खोटाङको खोटेहाङ गाउँपालिका-२ मा पहिरोले घर भत्काउँदा तीनको मृत्यु भएको छ । स्थानीय विष्णु राईको घर भत्किदा उनकी श्रीमती रेखा राई र ४ वर्षीय छोरा रोमन र ७ महिनाको छोरा रोहनको मृत्यु भएको प्रहरी प्रधान कार्यालयले जनाएको छ ।

घाईते विष्णुको भने स्थानीय अस्पतालमा उपचार भइरहेको छ ।

प्रकाशित : असार २७, २०७६ १७:४७
प्रतिक्रिया
पठाउनुहोस्

६ घण्टादेखि विमानस्थल बन्द, यात्रुको बिचल्ली (फोटोफिचर)

सुरज कुँवर

काठमाडौँ — नेपालगन्जबाट आएको यति एयरलाइन्सको एटीआर विमान काठमाडौँ विमानस्थलमा अवतरणका क्रममा धावनमार्गबाट चिप्लिएर घाँसे मैदानमा अड्किएका कारण शुक्रबार बिहान ११ः५ पछि अवरोध छ ।विमानस्थल व्ययवस्थापनले पाचौंपटक समय सार्दै नोटाम जारी गरेर विमानस्थल ७ बजेसम्मलाई बन्द गरेको छ । बिहान ९ बजेदेखि चेकइन गरेका सयौँ यात्रु त्रिभुवन अन्तर्राष्टिय विमानस्थलमा अलपत्र अवस्थामा छन् ।

बंगलादेशको ढाका जाने तयारीमा रहेका एक नेपाली चिकित्सकका अनुसार, यात्रुहरुलाई बस्ने ठाउँ छैन । कतिपय भुईँमा सुत्न बाध्य छन् । शौचालय, क्याफे लगायतका स्थानमा भिड छ । धावनमार्गमा के कति प्रगति भइरहेको छ भन्नेबारे आधिकारिक सूचना प्रवाह भइरहेको छैन ।

यतिको यो ७२ सिट क्षमताको जहाज धावनमार्ग बाहिर भए पनि अन्य वायुयान उडान र अवतरणमा अवरोध गर्छ । नागरिक उड्डयन प्राधिकरणका महानिर्देशक राजन पोखरेलका अनुसार, यो जहाज धावनमार्गको किनारादेखि करिब १५ मिटरको दुरीमा छ । धावनमार्गदेखि १५ मिटर परसम्मको क्षेत्रफलमा कुनै पनि वस्तु हुनहुदैन । यस्तो हुनुलाई रनवे अप्स्ट्याकल मानिन्छ ।

यो विमान झिक्न विमानस्थलसहित नेपाली सेना, प्रहरी, बुद्ध एयर, नेपाल वायुसेवा निगम र यतिकै इन्जिनियर लगायतका प्राविधिकहरु लागिरहेका छन् । ‘घाँसेमैदानबाट बाहिर तान्दै छौँ,’ घटनास्थलमा रहेका एक प्राविधिकले भने,‘दुईपटक डोरी चुँडियो । लागिरहेकै छौँ ।’

घाँसेमैदानको माटो कमलो भएकाले जहाज तान्न मुस्किल भइरहेको छ । ‘फ्ल्याक ओच्छाएर जहाज तान्ने काम भइरहेको छ ,’ महानिर्देशक पोखरेलले भने,‘तीव्रगतिको हावा र पानी अवरोधबीच विमानस्थलमा उपलब्ध उपकरणबाटै निकाल्ने प्रयास जारी छ ।’


प्रकाशित : असार २७, २०७६ १७:४७
पूरा पढ्नुहोस्
प्रतिक्रिया
पठाउनुहोस्