थुनिएका इञ्जिनियरसहित ९ जनाको एयरलिफ्ट [अपडेट]

अजित तिवारी

जनकपुर — कमला खोलाको बाढीमा फसेका इन्जिनियरसहित ९ जना प्राविधिक टोलीलाई शनिबार साँझ एयरलिफ्ट गरेर उद्धार गरिएको छ ।शुक्रबारदेखि नै बाँधमा थुनिएका उनीहरुलाई सुर्खेतबाट आएको नेपाली सेनाको हेलिकप्टरले ६ बजेर १० मिनेटमा एयरलिफट गरेको हो । 

खराब मौसमका कारण शनिबार दिनभर एयरलिफ्ट गर्ने प्रयास सम्भव हुन सकेको थिएन ।हुलाकी सडक आयोजनाका इन्जिनियर जामुन साहसहित ९ जनाको प्राविधिक टोली सिरहा–धनुषाको सीमामा पर्ने बसपिट्टामा बाढीले घेरिएका थिए ।

जिल्ला प्रहरी कार्यालय सिरहाका प्रमुख एसपी उमाप्रसाद चर्तुवेदीका अनुसार कमला खोलाको पानीले चारैतिरबाट घेरिएका उनीहरुलाई हेलिकप्टरबाट उद्धार गरेर सेनाको पृतना कार्यालय लगिएको छ ।

हुलाकी राजमार्गमा निर्माण भइरहेको पुलको निरीक्षण गर्न इन्जिनियर साहसहित ९ जनाको प्राविधिक टोली शुक्रबार कमला खोलाको तटीय क्षेत्र पुगेका थिए । कमला खोलाको बाँधको टुप्पोमा बसिरहेका उनीहरुलाई चारैतिरबाट पानीले घेरेको थियो ।

प्रकाशित : असार २८, २०७६ १४:१३
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

बाढीपहिरो र डुबानले ३० जनाको ज्यान गयो, उद्धार जारी [अपडेट]

कान्तिपुर संवाददाता

काठमाडौँ — बाढीपहिरो र डुबानमा परी अहिलेसम्म २८ जनाले ज्यान गुमाएका छन् । विपद् व्यवस्थापन कार्यकारी समितिको बैठकमा गृह सचिव प्रेम राईले देशैभरी बाढीपहिरो र डुबानबाट ज्यान गुमाउनेको संख्या प्रस्तुत गर्दै राहत तथा उद्धारलाई प्रभावकारी बनाउने निर्णय गरिएको जानकारी दिए । 


गृहमन्त्रालयमा शनिबार बिहान बसेको बैठकमा गृह, रक्षा, सामान्य प्रशासनमन्त्री तथा विभिन्न मन्त्रालयका सचिवको उपस्थिति थियो। सचिव राईले प्रदेश १ र २ वर्षाले बढी प्रभावित पारेको बताए। ती प्रभावित जिल्लाहरुमा तत्काल उद्धार र राहत वितरणको काम तीब्र बनाइएको जानकारी उनले बताए।

बैठकमा गृहमन्त्रीले वर्षा सुरु हुनअघिनै सम्भाव्य विपद्लाई मध्यनजर गर्दै पूर्वतयारी गरिएको जानकारी दिँदै स्थानीय प्रशासन, सुरक्षा निकाय राहत तथा उद्दारमा सक्रियताका साथ परिचालन गरिएको जानकारी दिए। हिजो मौसमका कारण हेलिकप्टरबाट राहत तथा उद्धारको काम गर्न नसकिएपनि शनिबार हेलिकप्टर प्रयोग गरिएको जानकारी दिए।

आवश्यकता अनुसार डुँगा नहुँदा समस्या परेको पनि उनले बताए। बैठकले अवरुद्ध राजमार्ग तत्काल खुलाउने, महामारी हुन नदिन तथा घाइतेहरुको स्वास्थ उपचारका लागि स्वास्थ्यकर्मीको टोली खटाउने, खानेपानी तथा खाद्यान्नका लागि आवश्यक व्यवस्था मिलाउने निर्णय गरेको छ। तत्काल राहतका लागि स्थानीयतहले मुख्य भूमिका खेल्नुपर्ने ठहर गरेको छ।

प्रकाशित : असार २८, २०७६ १४:०५
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT