काठमाडौँ — प्रहरीले राजधानीको नयाँ बसपार्कबाट पेस्तोलसहित ३ जनालाई पक्राउ गरेको छ । नयाँ बसपार्क नजिकको एक होटलमा हतियारसहित केही व्यक्ति बसेको सूचनाका आधारमा गएको प्रहरी टोलीले पक्राउ गरेको हो ।
नुवाकोटका प्रितम राई, रामकुमार राई र दार्जिलिङका सविन खवास पक्राउ परेका छन् ।
उनीहरूको साथबाट ‘मेड इन इटली’ लेखिएको स्वचालिक पेस्तोल र दुई थान मोटरसाइकल बरामद भएको प्रहरीले जनाएको छ ।