नेपाल वायुसेवाको प्रवक्तामा चन्द

कान्तिपुर संवाददाता

काठमाडौँ — नेपाल वायुसेवा निगमले प्रवक्तामा नायव महाप्रवन्धक गणेश बहादुर चन्दलाई नियुक्त गरेको छ । चन्द प्रशासनतर्फको एघारौं तहका कर्मचारी हुन् । यसअघि निगमले पुस पहिलो साता प्रवक्तामा नवौं तहका पाइलट विजय लामालाई ल्याएको थियो ।

हवाई सुरक्षालाई असर पर्ने गरी अभिव्यक्ति दिएपछि पाइलट लामा बैशाखमा विवादमा तानिएका थिए ।

नियमनकारी निकाय नागरिक उड्डयन प्राधिकरणले लामालाई ग्राउन्डेड गर्ने निर्णय गरेपछि निगमका कार्यकारी अध्यक्ष मदन खरेलले लामालाई प्रवक्ताबाट हटाएका थिए । त्यसयता निगमको प्रवक्ताको पद रिक्त थियो । नायव महाप्रबन्धक चन्द निगम व्यवस्थापनमा अध्यक्षपछि दोस्रो वरीयतामा पर्छन् ।

यसैबीच निगम व्यवस्थापनले पाइलट तथा एयरहोस्टेसहरु सम्बन्धित फलाइट अपरेशन विभागको नेतृत्व गरिरहेका पाइलट रविन्द्रकुमार शेरचनहलाई हटाई उनको स्थानमा पाइलट दिपु जुहार्चनलाई ल्याएको छ । नवौं तहका क्याप्टेन जुहार्चन एयरबस ३२० का क्याप्टेन हुन् ।

प्रकाशित : असार ३१, २०७६ २०:५७
प्रतिक्रिया
पठाउनुहोस्
ADVERTISEMENT
ADVERTISEMENT

एकतालाई असफल पार्ने षड्यन्त्र भइरहेको दाहालको दाबी

रासस

काठमाडौँ — नेपाल कम्युनिष्ट पार्टी (नेकपा)का अध्यक्ष पुष्पकमल दाहालले दुई पार्टी बीचको एकतालाई असफल बनाउन अझै पनि प्रतिक्रियावादीले षड्यन्त्र गरिरहेको उल्लेख गर्दै सचेत रहन पार्टीका नेता, कार्यकर्तालाई निर्देशन दिएका छन् । 

ललितपुर पार्टी कमिटीको पूर्ण बैठकलाई मंगलबार सम्बोधन गर्दै उनले देशभित्र र बाहिर दुई पार्टीबीचको एकतालाई असफल पार्ने षडयन्त्र भइरहेको दाबी गरेका हुन् । उनले देशको स्थायित्व र आर्थिक समृद्धिका लागि पार्टी एकता आवश्यकता छ भन्ने बोध गरेर मात्र दुई पार्टी एकता गरिएको प्रस्ट पारे । 'प्रलोभन, धम्की र घेराबन्दी पार गरेर पार्टी एकता गरिएको होइन, पार्टी एकता खल्बल्याउने देशी–विदेशी प्रतिक्रियावादीको षड्यन्त्र हामीले परास्त गर्‍यौँ',

अध्यक्ष दाहालले आफूहरुलाई कसैले हराउन नसक्ने बताए । उनले भने, 'हामी कम्युनिष्टहरूलाई हराउने भनेको हामीभित्रको अहङ्कार हो । प्रतिक्रियावादीले हामीलाई हराउन सक्दैन ।' उनले शोभियत सङ्घ र युरोपका कम्युनिष्ट पार्टी पतन भएको आन्तरिक कारण नै प्रमुख रहेको बताए । जनताको मन जित्ने गरी सम्पूर्ण नेता तथा कार्यकर्ताले काम गर्नुपर्नेमा जोड दिँदै उनले असल व्यवहार, आचरण देखाए मात्र जनताले समर्थन गर्ने बताए ।

प्रकाशित : असार ३१, २०७६ २०:४८
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT