राप्रपा (संयुक्त) ले जनकपुरदेखि लुम्बिनीसम्म धार्मिक यात्रा गर्ने

कान्तिपुर संवाददाता

काठमाडौँ — राष्ट्रिय प्रजातान्त्र पार्टी (संयुक्त) ले धार्मिक यात्रा आयोजना गर्ने भएको छ । आइतबार काठमाडौंमा बसेको उच्चस्तरीय कार्यसम्पादन समिति बैठकले सनातन धर्म सभ्यता पहिचान तथा संरक्षणको लागि जनकपुरदेखि लुम्बिनीसम्म धार्मिक यात्रा कार्यक्रम आयोजना गर्ने निर्णय गरेको राप्रपा (संयुक्त)का प्रवक्ता किरण गिरीले जानकारी दिए ।

उनका अनुसार धार्मिक यात्राको मिति तय भइसकेको छैन ।

बैठकले मिडिया विधेयक लगायत पत्रकारका समस्याबारेमा 'पार्टी पत्रकार अन्तक्रिया कार्यक्रम' आयोजना गर्ने निर्णय पनि गरेको छ ।

बैठकमा अध्यक्ष प्रकाशचन्द्र लोहनीले राजनीतिक प्रतिवेदन, आर्थिक समिति संयोजक श्याम तिमिल्सिनाले आर्थिक प्रतिवेदन र सचिवालय सदस्य बाबुराम बस्नेतले जिल्ला समायोजन र संगठनसम्बन्धी प्रतिवेदन पेस गरेको प्रवक्ता गिरीले जनाए । उनका अनुसार सबै प्रतिवेदनमाथि र समसामयिक विषयमा छलफल गर्न भोलि ६ बिहान ११ बजे पार्टी केन्द्रीय कार्यालय चाबहिल पुनः बैठक बस्ने छ ।

प्रकाशित : श्रावण ५, २०७६ १५:४९
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

मकवानपुरमा प्रहरी र गाँजा तस्करबीच गोली हानाहान, एक पक्राउ

सुवास विडारी

मकवानपुर — प्रहरी र गाँजा तस्करबीच शनिबार मध्यरातमा मकवानपुरको मनहरी गाउँपालिका–९ स्थित रजैया राप्तीखोलामा गोली हानाहान भएको छ । जिल्ला प्रहरी कार्यालय मकवानपुरका प्रहरी प्रमुख उपरीक्षक मुकेशकुमार सिंहका अनुसार राक्सिराङबाट पर्सा राष्ट्रिय निकुञ्ज निस्कने खोलाको भित्री बाटो हुँदै गाँजा ओसारपसार गर्ने गिरोह र प्रहरीबीच गोली हानाहान भएको हो ।

विशेष सूचनाको आधारमा उक्त स्थान पुगेको प्रहरीमाथि गोली प्रहार भएसँगै प्रहरीले जवाफी फायर गरेको थियो।घटनामा संलग्न मुख्य नाइके राक्सिराङ–१, ढुंगेनका ४३ वर्षीय कुमार स्याङ्तान भन्ने राजु स्याङ्तानलाई प्रहरीले पक्राउ गरेको छ । स्याङ्तानलाई खोँचमा घेरा हालेर नियन्त्रणमा लिइएकोप्रहरीले जनाएको छ। प्रहरीले उनको साथबाट कटुवा पेस्तोल एक थान, फायर भएको खोका एक थान, लाइभ राउण्ड एक थान, लागूऔषध गाँजा दुई पोकामा गरी ३१ केजी चारसय ग्राम समेत नियन्त्रणमा लिएको छ ।

‘गाँजा आोसारपसारमा संलग्न अन्य फायरिङ भएसँगै भाग्न सफल भएँ । तर, हामीले मकवानपुरको पश्चिमी क्षेत्रमा लागूऔषध कारोबार, आपराधिक क्रियाकलापहरुमा संलग्नलाई पत्राउ गर्न सफल भयौँ ।’, प्रहरी उपरीक्षक सिंहलेभने । उनका अनुसार पक्राउ परेको स्याङ्तान पूर्वपश्चिम राजमार्गमा विभिन्न समयमा सवारी र यात्रु लुट्ने कार्यमा समेत संलग्न रहेका थिए ।

प्रहरीको लागूऔषध नियन्त्रण ब्युरोले २०७१ साल पुस १६ गते स्याङ्तानलाई एकसय केजी गाँजासहित कीर्तिपुर नगरपालिका–१६ बाट पक्राउ गरी कारबाही समेत गरेको पाइएको छ ।प्रहरी उपरीक्षक सिंहले भने, ‘हामीले उनलाई धेरै समयदेखि खोजी गरिरहेका थियौँ । उनीमाथि हामीले तीनवटा मुद्दा दर्ता गराएका छौँ । अन्य विषयमा समेत अनुसन्धान अगाडि बढिरहेको छ ।’

स्याङ्तानलाई हातहतियार खरखजाना, ज्यान सम्बन्धी कसुर र लागूऔषध नियन्त्रण ऐनअन्तर्गत पटके कायम गरी थप सजायको माग गरी मुद्दा दर्ता गराइएको छ । मकवानपुरको पश्चिम क्षेत्रमा रहेको मनहरी, राक्सिारङ र कैलाश गाउँपालिका लागूऔषध उत्पादन र कारोबार हुने मुख्य थलो हो ।

जिल्ला प्रहरी कार्यालय मकवानपुरले आर्थिक वर्ष २०७५/०७६ मा लागूऔषधसहित जिल्लाभरबाट २ सय ५ जनालाई पक्राउ गरेको छ । जसमध्ये ३० जना भारतीय छन् । प्रहरीले एकवर्षको अवधिमा ३ हजार १ सय ८८ केजी गाँजा समेत नियन्त्रणमा लिएको थियो ।

प्रकाशित : श्रावण ५, २०७६ १५:३९
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT